Бүздәк районындағы кооператив — бешмә вирусы менән зарарланыу билдәләре булған һуңғы ферма — Ирек Мөхәмәтдинов

Башҡортостан юлдаш телеканалы видеояҙмаһынан скрин

IMPORT Сервисный

ӨФӨ, 2017 йыл, 16 октябрь. /«Башинформ» мәғлүмәт агентлығы, Гөлфиә Акулова/. Алты баш эре мөгөҙлө малда бешмә вирусы табылған Бүздәк районы Кәпәй-Ҡобау ауылындағы «Ҡыҙаш» ауыл хужалығы етештереү кооперативы — вирус менән зарарланыу билдәләре булған һуңғы ферма, зарарланған сығанаҡты асыҡлауҙың тәүге этабы тамамланды, тип белдерҙе Башҡортостан Республикаһы Хөкүмәте Премьер-министры урынбаҫары Ирек Мөхәмәтдинов.

«Беҙ Туймазы, Шаран, Бүздәк райондары халҡы һәм ауыл хужалығы предприятиелары малдарынан алынған 3,5 меңдән ашыу өлгөнө тикшереүгә оҙаттыҡ. Алты өлгөлә бешмә вирусының антиматдәләре табылған. Улар тап «Ҡыҙаш» ауыл хужалығы етештереү кооперативы малдары — Кәпәй-Ҡобау ауыл советы биләмәһендәге 1-се һөтсөлөк-тауар фермаһы үгеҙҙәре», — тип билдәләне вице-премьер.

Кәпәй-Ҡобау ауылындағы шәхси хужалыҡтарҙа вирус табылмаған. Бында малдар тартып алынмай. Ирек Мөхәмәтдинов яҡын-тирәләге райондарҙың, шул иҫәптән Туймазы, Шаран райондарындағы бер нисә ауыл советының да таҙа булыуын билдәләне.

«Ҡыҙаш» ауыл хужалығы етештереү кооперативының 1-се һөтсөлөк-тауар фермаһында бөтәһе 146 баш эре мөгөҙлө мал алынырға тейеш.

«Әле фермала тоталь эшкәртеү, ауылда ла, уның зарарланыу сығанағына инмәүенә ҡарамаҫтан, дезинфекция бара, — тип асыҡлыҡ индерҙе ул. — Дүшәмбенән Туймазы һәм Бүздәк райондарында карантин буйынса кирегә һанау – 21 көн башлана. Шәхси ярҙамсы хужалыҡтарҙа, күрше Туймазы районында сир асыҡланғас та, малдарға прививка яһалды. Бер үк ваҡытта ҡанды тикшереүгә алдылар һәм прививка, бер аҙна эсендә иммунитет барлыҡҡа килә. Һуңынан, 10 көндән, ҡабаттан вакцина һалыу ҡаралған, ул инструкцияға ярашлы үткәрелә. Тәүге прививка 8 октябрҙә эшләнгәйне, артабанғыһы 18 октябргә билдәләнгән».

Иҫегеҙгә төшөрәбеҙ, бешмә вирусы, яҡынса мәғлүмәттәр буйынса, Башҡортостанға Урта Азиянан ваҡ мал менән килеп ингән. Вирус Йәрмөхәмәт, Үрмәкәй, Ҡаранйылға һәм Ҡандра ауылдарындағы һыйырҙарҙа табылған. Әлеге ваҡытта ошо тораҡ пункттарҙа йорт хайуандары — 928 баш, шул иҫәптән 486 эре мөгөҙлө мал юҡ ителергә тейеш. Алынған мал өсөн ауыл халҡына компенсация — тере ауырлыҡтағы малдың һәр килограмы өсөн 130 һум түләү күҙаллана. Карантин иғлан ителгән биләмәләге күп балалы һәм аҙ тәьмин ителгән ғаиләләргә тәүге ихтыяждарға биш мең һум аҡса түләйҙәр. Туймазы районында бешмә ауырыуының эҙемтәләрен бөтөрөүгә 40 миллион һумға яҡын аҡса талап ителә. Сир осрағы буйынса енәйәт эше ҡуҙғатылған. Халыҡтың бешмә менән зарарланыу осрағы теркәлмәгән.

#бешмә

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.