Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
12 Октябрь 2017, 18:15

Синоптиктар төбәктә ҡарҙың ҡасан ятасағын хәбәр итте

Олег Яровиков
Олег Яровиков
ӨФӨ, 2017 йыл, 12 октябрь. /«Башинформ» мәғлүмәт агентлығы, Наталья Овчарук/. Бына бер аҙна инде тәбиғәт сағыу көндәре менән ҡыуандыра. Башгидрометүҙәк синоптиктары аңлатыуынса, ысынында иһә октябрь уртаһында төбәккә «әбейҙәр сыуағы» әйләнеп ҡайтты.
«Бындай күренештәр Башҡортостан биләмәһендә йыш осрай, — тине Башгидрометүҙәктең метеофараздар бүлеге етәксеһе Гөлназ Заһитова. — 2007, 2008 һәм 2009 йылдарҙа ла ошондай хәл күҙәтелде. Ул ваҡытта һауа температураһы уртаса айлыҡ норманан ике-өс градусҡа юғарыраҡ булды. Ләкин әлегә октябрҙәге иң юғары температураға, был иһә 20-23 градус, етмәгән».
Синоптиктар әйтеүенсә, Башҡортостанда «икенсе әбейҙәр сыуағы» киләһе аҙнала уҡ тамамлана. 18 октябрҙән һуң төбәккә оҙайлы ямғырҙар һәм епшек ҡар килә. Республикала ҡарҙың 4-8 ноябрҙә ятыуы көтөлә.
Читайте нас: