ӨФӨ, 2017 йыл, 10 октябрь. /«Башинформ» мәғлүмәт агентлығы, Эльмира Сабирова/. Республика ғаиләгә һәм балаларға социаль ярҙам үҙәгендә һәм уның бүлексәләрендә өс йәшкәсә сабый йәки 18 йәшкә тиклемге инвалид балаларҙы ваҡытлыса ҡарау буйынса бушлай хеҙмәт менән файҙаланырға теләгәндәрҙән ғаризалар ҡабул ителә.
Башҡортостандың Ғаилә, хеҙмәт һәм халыҡты социаль яҡлау министрлығында аңлатыуҙарынса, ошо сара аҙ тәьмин ителгән граждандар (күп балалы, инвалид бала тәрбиәләгән ғаиләләр, яңғыҙ әсәләр) өсөн ҡаралған. Уларҙың йән башына уртаса килеме йәшәү минимумы дәүмәленең 1,5 тапҡыр күләменән артмай. Хәҙер ошо сумма эшкә һәләтле халыҡ өсөн — 14044,5, пенсионерҙар өсөн 10750,5 һум тәшкил итә.
Әгәр ғаиләнең йән башына уртаса килеме 14 мең һумдан ашыуыраҡ булһа һәм ғаилә мохтаж тип танылмаһа, хеҙмәт коммерция хаҡы нигеҙендә күрһәтелә — сәғәтенә 40-140 һум.
Хеҙмәтте алыу өсөн ғаилә ғариза һәм документтар менән ғаиләгә һәм балаларға социаль ярҙам үҙәгенең теләһә ниндәй бүлексәһенә мөрәжәғәт итә ала:
Дим районы — Мусоргский урамы, 19а, 8(347) 286-12-53
Калинин районы — Богдан Хмельницкий урамы, 53, 8(347) 287-23-42
Киров районы — Кувыкин урамы, 14, 8(347) 287-23-18
Ленин районы — Ғафури урамы, 103, 8(347) 250-77-00
Октябрь районы — Р. Зорге урамы, 31, 8(347) 282-55-82
Орджоникидзе районы — Богдан Хмельницкий урамы, 68/1, 8(347) 263-86-85
Совет районы — Цюрупа урамы, 102, 8(347) 273-31-47
Благовещен ҡалаһы — Киров урамы, 3, 8 (34766) 2-21-58
Республика ғаиләгә һәм балаларға социаль ярҙам үҙәге — СССР-ҙың 50 йыллығы урамы, 27/1, 8 (347) 248-65-02.