Өфөлә яңы лицейҙың биләмәһен шыршы үҫентеләре биҙәйәсәк

ӨФӨ, 2017 йыл, 2 октябрь. /«Башинформ» мәғлүмәт агентлығы, Әлим Фәйезов/. Шишәмбе, 3 октябрҙә, Өфөләге Дим биҫтәһендә 161-се лицейҙы асыу тантанаһы үтә. Адресы: Тикшеренеүселәр урамы, 26. Сара барышында «Йәшә, урман!» Бөтә Рәсәй акцияһы һәм Экология йылы уңайынан «Ғүмер ағасы» республика акцияһы ойошторола. Яңы лицей һәм дендропарк биләмәһендә уҡыусылар һәм ата-әсәләр ике мең шыршы һәм башҡа ылыҫлы ағас үҫентеләрен ултыртасаҡ. Сарала Башҡортостандың тәбиғәттән файҙаланыу һәм экология министры Илдар Һаҙыев, урман хужалығы министры Динир Әхмәтйәнов, «Сәләмәт планета» йәмәғәт ойошмаһының башҡарма директоры Максим Некрасов ҡатнаша, тип хәбәр иттеләр республика Экология министрлығының матбуғат хеҙмәтендә.

Сара көндөҙгө сәғәт 12-лә башлана.