Башҡортостан мәктәптәрендә туған телдәрҙе нисек өйрәнәләр

ӨФӨ, 2017 йыл, 11 сентябрь. /«Башинформ» мәғлүмәт агентлығы, Дарья Петрова/. Республика мәктәптәрендә башҡорт теле ике йүнәлеш – дәүләт һәм туған тел булараҡ уҡытыла.

Июль айында Йошкар-Ола ҡалаһында милләт-ара мөнәсәбәттәр буйынса Совет ултырышынан һуң был тема йәнә киң фекер алышыуға юл асты. Рәсәйҙең 2025 йылға тиклемге дәүләт милли сәйәсәте стратегияһын төбәк һәм муниципаль кимәлдә тормошҡа ашырыуға арналған ултырышта Рәсәй Президенты Владимир Путин туған телдәрҙе өйрәнеү темаһын ҡуҙғатты. Рәсәй халыҡтарының туған телдәрен өйрәнеүгә хоҡуғы Конституция менән яҡлана, тип билдәләне дәүләт башлығы. Ләкин туған теле булмаған телде мәжбүр итеп уҡытырға ярамай. Ултырыш йомғаҡтары буйынса йөкләмәләр исемлеге раҫланды, шул иҫәптән субъект башлыҡтарына туған телдәрҙе теләк буйынса өйрәнеүҙе тәьмин итергә ҡушылды.

Республика мәктәптәрендә туған телдәрҙең нисек уҡытылыуы, яңы уҡыу йылында ниндәй үҙгәрештәр көтөлөүе һәм дәрестәрҙе нисек ҡыҙыҡлы итеп үткәреү тураһында «Башинформ» агентлығының махсус проектында уҡығыҙ.