Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Йәмғиәт
11 Сентябрь 2017, 15:11

Ҡасан Өфөлә йылы бирерҙәр?

Олег Яровиков
Олег Яровиков
ӨФӨ, 2017 йыл, 11 сентябрь. /«Башинформ» мәғлүмәт агентлығы, Дарья Петрова/. Өфө хакимиәтендә йорттарға ҡасан йылы биреүҙәре хаҡында һөйләнеләр. Бөтә ҡағиҙәләргә ярашлы, әгәр биш көн буйына уртаса тәүлек температураһы 8 градустан артмаһа, өйҙәр йылытыла башлай. Социаль объекттарҙа — балалар баҡсаларында, мәктәптәрҙә, поликлиникаларҙа һәм башҡаларҙа — йылы етәкселәрҙең ғаризаһы буйынса бирелә.
Башгидромет фаразы буйынса, шаршамбынан республикала көндәр йылына — 13 сентябрҙә көндөҙ 17-22 градус булыуы көтөлә.
Өфө хакимиәтенең матбуғат хеҙмәтендә хәбәр итеүҙәренсә, күп фатирлы йорттарҙа йәшәүселәр йылыны биреү-бирмәүҙе үҙҙәре хәл итә ала. Бының өсөн дөйөм йыйылыш үткәреп, йыйылыштың протоколын һәм ғаризаны идара итеүсе компанияға тапшырырға кәрәк. Был осраҡта, техник мөмкинлек булғанда, йылы бирелә. Йылытыу миҙгеле оҙайлыраҡ булғанлыҡтан, түләү ҙә арта.
Читайте нас: