Башҡортостан һәм Өфө яңылыҡтары
69.59
+0.26
75.78
+0.37
83.36
-1.14
-8 °C
Болотло
Бөтә яңылыҡтар
Йәмғиәт
30 Август 2017, 11:54

Башҡортостанда Ҡорбан байрамына арналған саралар иртәнге сәғәт 8-ҙә башлана

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2017 йыл, 30 август. /«Башинформ» мәғлүмәт агентлығы, Ғәлиә Нәбиева/. Ҡорбан байрамына арналған байрам саралары 1 сентябрҙә иртәнге сәғәт 8-ҙә башлана. Республиканың һәр тораҡ пунктында тиерлек ҡорбан килтереү йолаһы башҡарыла. Төбәктә мәсеттәр эргәһендә лә урындар билдәләнгән, әммә барыһында ла түгел. Өфөлә «Ләлә-Тюльпан» (Комаров урамы, 5), «Ихлас» (Сочи, 43), «Ғофран» (Алтай, 19) мәсеттәрендә, Рәсәй мосолмандары Үҙәк диниә назаратының Рәсәй Ислам Университеты биләмәһендә (Чернышевский урамы, 5), «Мәҙинә» мәсете (Фронт бригадалары урамы, 10), Шакша биҫтәһендәге мәсет (Гвардия, 54а), «Асия» мәсете (Сосновская, 1/1) янында ҡорбан салыу ҡаралған.
Иҫегеҙгә төшөрәбеҙ, 2 сентябрҙә иртәнге сәғәт 11-ҙән көндөҙгө 4-кә тиклем «Башҡортостан» лайфстайл-үҙәге алдындағы майҙанда Ҡорбан Хәләл FEST ойошторола. Был проекттың маҡсаты — рухи-әхлаҡи ҡиммәттәрҙе, спорт һәм сәләмәт йәшәү рәүешен популярлаштырыу, йәмғиәттә экстремизмды иҫкәртеү, халыҡтар араһында туғандарса мөнәсәбәттәрҙе берләштереү.
Сараның программаһы бай булмаҡсы: милли спорт уйындары, асыҡ һауала волейбол, регби, арм-реслинг, шахмат, пейнтбол, арҡан тартыу, балалар анимацияһы, төрлө конкурстар һәм уйындар, байрам концерты һәм бүләктәр уйнатыу.
Шулай уҡ байрамда көнсығыш йәрминкәһе һәм фудкорт эшләйәсәк, унда былау таратыу ҡаралған. Ҡорбан байрамына бағышланған сараны ойоштороусылар булып Башҡортостандың «Ферзь эшлекле клубы» социаль әһәмиәтле проекттарҙы үҫтереү һәм уларға ярҙам итеү төбәк йәмәғәт ойошмаһы, Рәсәй мосолмандарының Үҙәк диниә назараты һәм Өфө ҡалаһы ҡала округы хакимиәте сығыш яһай.
Читайте нас в