Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Йәмғиәт
24 Август 2017, 09:33

Төбәктә 41 һунарсыға айыу ауларға рөхсәт бирелде

Гөлфиә Акулова
Гөлфиә Акулова
ӨФӨ, 2017 йыл, 24 август. /«Башинформ» мәғлүмәт агентлығы, Гөлфиә Акулова/. Башҡортостандың Тәбиғәттән файҙаланыу һәм экология министрлығында республиканың 10 районында һоро айыуға һунарға рөхсәт алыу хоҡуғы өсөн йәрәбә үтте. Йәнлекте аулауға 41 квота бүленде. Рөхсәт алыу хоҡуғына ғаризаны 1,5 мең самаһы кеше бирҙе. 10 йәрәбә процедураһы барышында 41 һунарсы йәнлеккә һунар итеүгә рөхсәт отто. Республика Экология министрлығының хайуандар донъяһы объекттарын һаҡлау һәм ҡулланыуҙы күҙәтеү бүлегендә билдәләүҙәренсә, ҡырағай хайуанға һунар итеүҙән баш тартҡан осраҡта был хоҡуҡ киләһе ғариза тапшырыусыға күсә.
28 августан тәбиғәтте һаҡлау ведомствоһы мышы һәм ҡоралай кеүек төрҙәргә һунар йәрәбәһендә ҡатнашыуға ғаризалар ҡабул итә. 19 августан республикала һыуҙа йөҙөүсе, ҡарағай урманы, һаҙлыҡ-туғай һәм ҡыр кейегенә һунар асыҡ.
Автор:Гөлфиә Акулова
Читайте нас: