Республиканан уҡытыусы – «Рәсәйҙең йыл уҡытыусыһы» бөтә Рәсәй конкурсында иң йәше

РФ Мәғариф һәм фән министрлығы

Эльмира Сабирова

ӨФӨ, 2017 йыл, 24 август. /«Башинформ» мәғлүмәт агентлығы, Эльмира Сабирова/. Башҡортостандан уҡытыусы – «Рәсәйҙең йыл уҡытыусыһы» бөтә Рәсәй конкурсында иң йәше. Был мәғлүмәтте педагогик оҫталыҡты ҡарау буйынса ойоштороу комитеты ултырышында Рәсәй мәғариф министры Ольга Васильева белдерҙе.

«Был инде 28-се конкурс. Быйыл бөтә төбәктәр ҙә ҡатнашты. Иң йәш ҡатнашыусыға 23 йәш. Ул уҡытыусы Башҡортостандан, уның педагогик эш тәжрибәһе ике йыл. Иң тәжрибәле ҡатнашыусыға 59 йәш, ул Приморье крайынан, уның стажы 37 йылдан ашыу», — тип мәғлүмәттәрҙе килтерҙе федераль ведомство етәксеһе.

Быйыл федераль финалда айырыуса мәғариф талаптары булған балалар менән эшләүсе уҡытыусылар өсөн яңы номинация барлыҡҡа киләсәк, тип һыҙыҡ өҫтөнә алды Ольга Васильева.

Тәүге тапҡыр байрам концертын федераль телеканалдарҙа эфирға сығарасаҡтар.

Конкурста ҡатнашыусыларҙың уртаса йәше быйыл 36 йәш, ул былтырғыға ҡарағанда бер йылға кәмерәк, тип билдәләне конкурсты ойоштороу комитеты рәйесе урынбаҫары, «Издательский дом «Учительская газета» ябыҡ акционерҙар йәмғиәте президенты – баш мөхәррире Петр Положевец. «Уртаса педагогик стаж 12 йыл тәшкил итә, ул былтырғы менән сағыштырғанда кәмерәк. Конкурста ҡатнашыусы ҡатын-ҡыҙҙарҙың һаны – 62, ир-егеттәр – 23. Ауыл мәктәптәренән уҡытыусыларҙың һаны артты, былтыр улар һигеҙ ине, быйыл 12. Ҡатнашыусылар араһында иң күбе рус теле һәм әҙәбиәте уҡытыусылары», — тине ул.

Жюригә 110 кеше: бөтә федераль округтарҙан, 52 федерация субъектынан кандидаттар инәсәк.

Махсус бүләктәрҙең береһе сифатында берҙәм тауыш менән рус теленә һаҡсыл ҡарау һәм уны һаҡлап ҡалыу өсөн бүләк раҫланды, тип хәбәр итә РФ Мәғариф һәм фән министрлығының матбуғат хеҙмәте.

«Башинформ» агентлығы хәбәр иткәнсә, Мария Кәримова – Мостай Кәрим исемендәге 158-се Башҡорт гимназияһының инглиз теле уҡытыусыһы. Ул «Башҡортостандың баш ҡалаһының йыл уҡытыусыһы-2017» XX конкурсында абсолют еңеүсе булды.

Конкурста ҡатнашыусының коллегалары һөйләүенсә, Мария Кәримованың йәш булыуына ҡарамаҫтан, ул уҡыусылар менән уртаҡ тел таба белә. Ул балаларҙы, балалар уны ныҡ ярата.

#мәғариф #конкурстар #«рәсәйҙең йыл уҡытыусыһы»

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.