«Бал менән буялған»: Башҡортостанда йәшәүсе ир-игет умарталыҡҡа сил ил волонтерҙарын саҡыра

ӨФӨ, 2017 йыл, 24 август. /«Башинформ» мәғлүмәт агентлығы, Дарья Петрова/. Башҡортостан «Апимондия» халыҡ-ара конгресын ҡабул итергә әҙерләнгәндә, Ғафури районында айырым алынған умарталыҡ сит ил кешеләре өсөн тартылыу үҙәгенә әйләнде. Өсөнсө йыл Зиннур Төхвәтуллин волонтерлыҡ программаһында ҡатнаша – уға умартасылыҡ нигеҙҙәренә өйрәнеү өсөн донъяның төрлө мөйөштәренән ҡунаҡтар килә. Теләүселәрҙән ял юҡ – төпкөл башҡорт ауылын күреү өсөн бер нисә ай алдан сиратҡа яҙылалар.

«Беҙҙә умарталыҡта гел генә берәйһе йәшәне. Әммә урындағы хеҙмәткәрҙәргә түләргә кәрәк, ә ирекмәндәр тәжрибә өсөн эшләй, — тип һөйләй умартасы. — Миңә лә ҡыҙыҡ: сит илгә бара алмайым, ә бында үҙе сит ил, үҙемә киләләр тип әйтергә мөмкин».

Умартасының һүҙҙәренсә, умарталыҡҡа эшләргә килгәндәрҙең күптәре «үҙен эҙләй». Йәш кешеләр үҙҙәрен төрлө профессияла һынап ҡарап, донъя буйлап йөрөй. Әммә махсус рәүештә – артабан эшләү өсөн тәжрибә алырға, белемен арттырырға килгәндәр ҙә бар.

Сит ил волонтерҙарының умарталыҡтағы тормошо тураһында тулыраҡ «Ижтимағи электрон гәзит» материалында уҡый алаһығыҙ.