Башҡортостан һәм Өфө яңылыҡтары
69.59
+0.26
75.78
+0.37
84.68
+0.18
-8 °C
Болотло
Бөтә яңылыҡтар
Йәмғиәт
7 Август 2017, 08:50

Өфөлә билдәле башҡорт ҡатын-ҡыҙҙарының фотолары менән «Ете ҡыҙ» календарын сығарҙылар

Эдуард Дилмөхәмәтов
Эдуард Дилмөхәмәтов
ӨФӨ, 2017 йыл, 7 август. /«Башинформ» мәғлүмәт агентлығы, Ләйлә Аралбаева/. Өфөлә «Ете ҡыҙ» проекты сиктәрендә билдәле башҡорт ҡатын-ҡыҙҙарының фотолары менән «Ете ҡыҙ» календарын сығарҙылар. Проект «Башҡортостан» республика гәзитенең 100 йыллығына «Самрау» нәшриәтендә тормошҡа ашырылған.
Ай һайын ҡатын-ҡыҙҙарҙың матурлығына дан йырлаған билдәле башҡорт һәм татар шағирҙарының шиғырҙары оҙатып килә. Улар араһында – Салауат Юлаевтың, Шәйехзада Бабичтың, Рәми Ғариповтың, Роберт Миңнуллиндың, Рафаэль Сафиндың, Рәшит Назаровтың, Рәмил Ҡол-Дәүлләтең, Салауат Әбүзәровтың, Сафуан Яҡшығоловтың шиғри юлдары.
Фотоларҙа милли костюмдарҙа ҡатын-ҡыҙҙар төшөрөлгән – улар әҙәбиәт, мәҙәниәт һәм сәнғәт өлкәһендә үҙенең ҡаҙаныштары менән билдәле йәмәғәт эшмәкәрҙәре. Ул – шағирә Лариса Абдуллина һәм Зөлфиә Ханнанова, фольклорсы Гөлгөнә Баймурзина, «Тамыр» телеканалы директоры Гөлназ Ҡолһарина, йырсы Сәйҙә Ильясова, бейеүсе, «Танцы на ТНТ» проектында ҡатнашыусы Нәркәс Юлдашева, дини эшмәкәр Ғәлиә Мортазина. Фотоларҙың авторы – Эдуард Дилмөхәмәтов.
Проекттың авторы Лариса Абдуллина һөйләүенсә, беренсе этапта проект «Башҡортостан» гәзите биттәрендә баҫылды, календарь сығарыу икенсе этап буласаҡ. Оҙаҡламай проектта ҡатнашыусылар бергәләп йыйылып, Башҡортостан радиоһында шиғырҙар уҡыясаҡ.
Автор:Ләйлә Аралбаева
Читайте нас в