Башҡортостанда ғәҙәттән тыш хәл эҙемтәләрен йомшартыу һәм хәүефтәрҙе кәметеү буйынса дәүләт программаһы ҡабул ителде

Олег Яровиков

IMPORT Сервисный

ӨФӨ, 2017 йыл, 27 июль. /«Башинформ» мәғлүмәт агентлығы, Ксения Калинина/. 27 июлдә Башҡортостан хөкүмәте ултырышында төбәктә тәбиғи һәм техноген характерҙағы ғәҙәттән тыш хәл эҙемтәләрен йомшартыу һәм хәүефтәрҙе кәметеү буйынса алты йылға иҫәпләнгән дәүләт программаһын ҡаранылар һәм ҡабул иттеләр. Республика башлығы Рөстәм Хәмитов белдереүенсә, ошо программаның төп маҡсаты — Башҡортостанда һәләкәттәргә юл ҡуймау, тәбиғи һәм техноген характерҙағы ғәҙәттән тыш хәл эҙемтәләрен кәметеү.

«Һуңғы йылдарҙа хәүефле тәбиғәт күренештәре йышайҙы, улар кешеләрҙең именлегенә хәүеф тыуҙыра, иҡтисадтың байтаҡ тармаҡтарына йоғонто яһай. Айырыуса аграрийҙар ҙур зыян күрә. 2010 йылдағы көслө ҡоролоҡ 13 миллиард һумдан ашыу күләмдә зыян килтерҙе, 2012 йылда иһә тағы 2,5 миллиард һум. Быйыл ҡыш ҡар күп яуҙы, яҙын һәм йәйен — ямғырҙар, көслө ел һәм дауыл. Уҙған аҙнала ғына дауыл арҡаһында Хәйбулла районындағы мәктәптең ҡыйығы емерелде, Өфөлә ике кеше зыян күрҙе. Июндә Архангел һәм Миәкә райондары хәүеф аҫтында ҡалды. Республиканың 13 районында тупраҡтың артыҡ дымланыуы арҡаһында ғәҙәттән тыш хәл режимы индерелгән. Яҡынса иҫәпләүҙәр буйынса, уңышты юғалтыуҙан зыян ярты миллиард һумдан ашыу тәшкил итәсәк. Техноген характерҙағы ғәҙәттән тыш хәлдәр ҙә хәүефле. Кешеләр юл-транспорт фажиғәләрендә, янғындарҙа, производствола, ток һуғыуҙан һәләк була. Әлбиттә, беҙҙең өсөн һәр ошондай фажиғә — ғәҙәттән тыш хәл», — тине Башҡортостан башлығы.

Быйыл 2012 йылдан ғәмәлдә булған ғәҙәттән тыш хәл эҙемтәләрен йомшартыу һәм хәүефтәрҙе кәметеү буйынса дәүләт программаһы тамамлана. 2018-2023 йылдарға иҫәпләнгән шул уҡ исемдәге документ яңы саралар менән тулыландырылған.

«Ғәҙәттән тыш хәлде алдан күҙаллау һәм мониторинг системаһын үҫтереү буйынса махсус ярҙамсы программалар әҙерләнгән. Был бик мөһим, — тип билдәләне Рөстәм Хәмитов. — Сөнки ошо йүнәлештәге эш әлегә һөҙөмтәле түгел. Быны танырға кәрәк».

Ҡабул ителгән документ ғәҙәттән тыш хәлдәрҙе алдан күҙаллау һәм мониторинг системаһын камиллаштырыуға, республикала янғын хәүефһеҙлеген, шулай уҡ һыу объекттарында кешеләрҙең именлеген тәьмин итеүгә, «Хәүефһеҙ ҡала» аппарат-программа комплексын индереүгә һәм файҙаланыуға йүнәлтелгән ярҙамсы программаларҙан тора.

#башҡортостан башлығы #дәүләт программаһы #ғәҙәттән тыш хәл

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.