Суббота, 2 Мая 2026

Уфа

+11 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

02:54 (UTC+5), 10 Июля 2017

Рөстәм Хәмитов һәм Сергей Аксёнов Ҡырымдың Белогорск районында социаль объекттарҙы ҡараны

Олег Яровиков

«Башинформ» мәғлүмәт агентлығы

ӨФӨ, 2017 йыл, 10 июль. /«Башинформ» мәғлүмәт агентлығы/. Башҡортостан Республикаһы рәсми делегацияһының Ҡырымға сәфәре сиктәрендә төбәк башлыҡтары Рөстәм Хәмитов һәм Сергей Аксёнов Белогорск районында бер нисә социаль объектта булды.

Белогорскиҙа республика башлыҡтары 1960 йылдарҙа һалынған Район мәҙәниәт йортон ҡараны. Күп йылдар дауамында бина йүнәтелмәгән һәм 2014 йылда, Ҡырымдың Рәсәйгә ҡушылыу осорона ул авария хәлендә була: түбәнән һыу тамып тора, йылытыу системаһы, түңәрәктәр эшләмәй, ижади коллективтарҙың репетицияларын уҙғарып булмай.

Мәҙәниәт йортонда Башҡортостан Башлығы Рөстәм Хәмитов булғандан һуң бинаның ҡыйығы төҙөкләндерелә, сәхнә йүнәтелә. Әлеге ваҡытта бында бөтә Ҡырымда ихтыяжлы ижади коллективтарҙың репетициялары һәм сығыштары бара. Мәҙәниәт йорто мөдире Оксана Торопенконың һүҙҙәренсә, түңәрәктәрҙә һәм секцияларҙа 250-нән ашыу кеше: 112 бала, 54 йәш һәм 93 өлкән кеше шөғөлләнә.

- Тормош һиҙелә. Балаларҙың шөғөлләнә башлауы – бик яҡшы ул, – тип билдәләне Рөстәм Хәмитов.

Башҡортостан Башлығы Мәҙәниәт йортон тәртипкә килтереү өсөн кәрәкле эштәр теҙмәһен тикшерҙе. Оксана Торопенко хәбәр итеүенсә, быйыл өлөшләтә йылылыҡ селтәрен, сәхнәне һәм тамаша залын йүнәтеү күҙаллана. Ул Мәҙәниәт йортон ремонтлауҙа ярҙам күрһәткәндәре өсөн республикаға район халҡы исеменән ҙур рәхмәтен белдерҙе.

- Киләһе ғилми-ғәмәли конференцияны ошо залда уҙғарырбыҙ, тип ышанам, – тип һыҙыҡ өҫтөнә алды Рөстәм Хәмитов.

Богатое ауылында Рөстәм Хәмитов һәм Сергей Аксёнов 1950 йылдарҙа төҙөлгән Богатое урта мәктәбен ҡараны. Ҡырымдың Рәсәйгә ҡушылыуынан һуң Башҡортостан булышлығында бинаның ҡыйығы төҙөкләндерелә һәм тәҙрәләре алмаштырыла. Әлеге ваҡытта бинаны яңыртыу эштәре дауам итә, яңы мебель һәм ҡорамалдар һатып алына. Республика башлыҡтары уҡытыу кластарында булды, мәктәпте ремонтлау буйынса артабанғы эштәр күләмен тикшерҙе.

Мәктәп янында алдан шулай уҡ авария хәлендә булған балалар баҡсаһы эшләй. Башҡортостандың ярҙамы менән бинаның ҡыйығы алмаштырыла, һуңынан Ҡырым ҡаҙнаһы иҫәбенә яңыртыу эштәре уҙғарылды. Былтыр балалар баҡсаһы файҙаланыуға тапшырылды.

1 из 12

#ҡырым #башҡортостан башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.