Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
6 Июль 2017, 08:58

Рәсәйҙә пилотһыҙ аппараттарҙы мотлаҡ теркәү индерелде

автор
автор
ӨФӨ, 2017 йыл, 6 июль. /«Башинформ» мәғлүмәт агентлығы, Ксения Калинина /. Рәсәйҙә 5 июлдән 250 грамдан 30 килограмға тиклем ауырлыҡтағы пилотһыҙ осоу аппараттарын мотлаҡ теркәү индерелде. РБК сайтының мәғлүмәттәре буйынса, 2016 йылдың йәйендә Һауа кодексының «Граждандар һауа судноларын, авиация двигателдәрен һәм һауа винттарын, пилотһыҙ авиация системаларын һәм (йәки) уларҙың элементтарын сертификациялау» статьяһына үҙгәрештәр индерелде.
«РИА Новости» хәбәр итеүенсә, пилотһыҙ осоу аппараттарын Рәсәй Транспорт министрлығы ҡарамағындағы «ЗащитаИнфоТранс» федераль дәүләт унитар предприятиеһында иҫәпкә ҡуйырға мөмкин буласаҡ. Алдан ойошма дрондарҙы билдәләү технологияһын әҙерләне.
Пилотһыҙ, һауа системаларын үҫтереү мәсьәләләрен Петербург халыҡ-ара иҡтисади форумында тикшерҙеләр. Белгестәрҙең баһаһы буйынса, 2035 йылға ошо баҙарҙың күләме 200 миллиард долларҙан ашыу тәшкил итәсәк. Унда Рәсәйҙең өлөшө 20 процентҡа яҡынлашыуы ихтимал. 20 йылдан илебеҙ күгендә даими рәүештә кәмендә 100 мең пилотһыҙ осоу аппараты буласаҡ, тип фаразлана.
Автор:Ксения Калинина
Читайте нас: