Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Йәмғиәт
3 Июль 2017, 17:56

Баш ҡалала республиканың йәш ғалимдары араһында иң яҡшы ғилми эшкә конкурс еңеүселәре билдәләнде

Рәсәй Йәш ғалимдар союзының төбәк бүлексәһе сайтынан
Рәсәй Йәш ғалимдар союзының төбәк бүлексәһе сайтынан
ӨФӨ, 2017 йыл, 3 июль. /«Башинформ» мәғлүмәт агентлығы, Эльмира Сабирова/. Өфөлә республиканың йәш ғалимдары араһында иң яҡшы ғилми эшкә конкурс еңеүселәре билдәләнде. Лауреаттарҙы бүләкләү тантанаһы кесаҙна, 6 июлдә, Башҡортостан Йәштәр сәйәсәте һәм спорт министрлығының конференциялар залында үтә.
Ойоштороу комитетына 35 йәшкә тиклемге аспиранттарҙан, фән кандидаттарынан һәм 40 йәшкәсә фән докторҙарынан, шулай уҡ йәш ғилми коллективтарҙан эштәр килде.
«Гуманитар фәндәр» һәм «Тәбиғи фәндәр» номинацияларында мәктәп уҡыусылары ҡатнашты. Улар араһында Шишмә районынан гимназист Камил Фазлетдинов, Өфөләге «Вектор» балалар (үҫмерҙәр) техник ижад үҙәге тәрбиәләнеүселәре, 98-се мәктәп уҡыусылары Илья Крестов һәм Аделина Дәүләтшина, баш ҡаланың «Эколог» экология-биология үҙәге вәкилдәре: 110-сы мәктәп уҡыусыһы Азалия Рәжәпова һәм 7-се дөйөм белем биреү мәктәбенән Азалия Хәсәнова еңеүсе булды.
Еңеүселәрҙең исемлеге менән Рәсәй Йәш ғалимдар союзының төбәк бүлексәһе сайтында танышырға мөмкин.
Бүләкләү тантанаһы көндөҙгө сәғәт 4-тә башлана.
Читайте нас: