Асҡын районында «КардиоКвадра» төбәк-ара конференцияһы үтә

ӨФӨ, 2017 йыл, 29 июнь. /«Башинформ» мәғлүмәт агентлығы, Гөлфиә Акулова/. Кесе йома, 29 июндә Асҡын районының «Танып» шифаханаһында «КардиоКвадра» икенсе төбәк-ара ғилми-ғәмәли конференцияһы үтә. Ойоштороусыһы – Башҡортостан Һаулыҡ һаҡлау министрлығы ҡарамағында Республика кардиология үҙәге.

Башҡортостан Республикаһы, Пермь крайы, Свердловск һәм Силәбе өлкәләре табиптары ҡан әйләнеше системаһы ауырыуҙарының көнүҙәк мәсьәләләрен тикшерәсәк, кардиология хеҙмәтен үҫтереү перспективаларын һәм йөрәк ауырыуҙарын, шул иҫәптән оло кешеләрҙә йөрәк алды фибрилляцияһын һәм онкопатология менән ауырыуҙарҙа артериаль гипертонияны заманса дауалау алымдарын өйрәнәсәк. Сара халыҡҡа кардиологик ярҙам күрһәтеүҙе камиллаштырыу һәм кардиолог табиптары, йөрәк-ҡан тамырҙары хирургтары, терапевтары, дөйөм практика табиптарының квалификацияһын күтәреү маҡсатында уҙғарыла, тип хәбәр итә төбәк Һаулыҡ һаҡлау министрлығының матбуғат хеҙмәте.