Башҡортостан һәм Өфө яңылыҡтары
91.33
+0.49
98.72
+0.18
83.39
+1.48
-11 °C
Болотло
Бөтә яңылыҡтар
Йәмғиәт
23 Июнь 2017, 15:20

Республикала йылғаларҙа һыуҙың артыуы теркәлгән

Олег Яровиков
Олег Яровиков
ӨФӨ, 2017 йыл, 23 июнь. /«Башинформ» мәғлүмәт агентлығы, Ксения Калинина/.
Башҡортостан биләмәһендә көндәрҙең ямғырлы тороуы арҡаһында йылғаларҙа һыуҙың артыуы күҙәтелә. Республиканың гидрометеорология һәм тирә-яҡ мөхит мониторингы мәғлүмәттәренә һылтанма яһап, Башҡортостандың Ғәҙәттәр тыш хәлдәр буйынса дәүләт комитетының матбуғат хеҙмәте хәбәр итеүенсә, Йүрүҙән йылғаһында һыу 27 сантиметрға, Эҫемдә — 22, Ағиҙелдә — 2, Инйәрҙә — 12, Ҡариҙелдә — 1, Әй йылғаһында 4 сантиметрға артҡан.
Синоптиктар фаразлауынса, көслө ямғырҙар арҡаһында 23 июндән 27-гә тиклем төбәк биләмәһендә Эҫем, Инйәр, Ләмәҙ тау йылғаларында артабан да һыу кимәленең күтәрелеүе көтөлә. Түбән урындарҙа йылғаларҙың һыубаҫар туғайға сығыуы ихтимал.
Читайте нас в