Республикала ҙур һыу ятҡылыҡтары ҡотҡарыусыларҙың айырым контролендә

ӨФӨ, 2017 йыл, 16 июнь. /«Башинформ» мәғлүмәт агентлығы, Ксения Калинина/. Башҡортостанда Ҡандракүлгә һәм Асылыкүлгә, Нөгөш, Павловка һәм Йомағужа һыу һаҡлағыстарына, Ағиҙел йылғаһына айырым иғтибар бүленәсәк. Бында йәйгеһен байтаҡ кеше ял итә, тип мәғлүмәт бирҙе Рәсәй Ғәҙәттән тыш хәлдәр министрлығының Башҡортостан Республикаһы буйынса баш идаралыҡтың һыу объекттарында кешеләр хәүефһеҙлеге бүлеге етәксеһе Валерий Сафронов.

Уның һүҙҙәренсә, пляжлы балалар һауыҡтырыу лагерҙары айырым контролдә. Һәр яңы смена килер алдынан ике сәғәт алдан ҡотҡарыу хеҙмәттәренең эшмәкәрлеген тикшереү буйынса эш күҙалланған.

«Башинформ» агентлығы хәбәр иткәнсә, Башҡортостан йыһазландырылған пляждар иҫәбе буйынса Волга буйы федераль округында икенсе урынды биләй. Республикала — 80, Өфөлә 11 пляж йыһазландырылған.