Бөгөн йәштәрҙе эшкә урынлаштырыу һорауҙары буйынса «ҡыҙыу линия» уҙғарыла

ӨФӨ, 2017 йыл, 15 июнь. /«Башинформ» мәғлүмәт агентлығы /. 15 июндә Өфөлә йәштәрҙе эшкә урынлаштырыу һорауҙары буйынса «ҡыҙыу линия» уҙғарыла. Шылтыратыуҙар 8(347) 223-22-11 телефоны буйынса көндөҙгө сәғәт 2-нән 5-кә тиклем ҡабул ителә, тип хәбәр иттеләр ҡала хакимиәтендә. Һорауҙарға Йәштәрҙең мәшғүллегенә булышлыҡ итеү үҙәгенең мәғлүмәти хеҙмәтләндереү һәм эшкә урынлаштырыу бүлеге етәксеһе Әлфиә Бибарсова, Өфөнөң Халыҡ мәшғүллеге үҙәгенең әйҙәүсе инспекторы Наталья Сухарева, шулай уҡ «Индиго» ҡала үҙәге психологтары яуап бирәсәк.