Башҡортостан һәм Өфө яңылыҡтары
70.38
0
76.73
0
80.19
+0.25
-21 °C
Болотло
Бөтә яңылыҡтар
Йәмғиәт
13 Июнь 2017, 07:05

Михаил Бабич һәм Рөстәм Хәмитов Башҡортостан халҡын Рәсәй көнө менән ҡотланы

Олег Яровиков
Олег Яровиков
ӨФӨ, 2017 йыл, 13 июнь. /«Башинформ» мәғлүмәт агентлығы/. Башҡортостанда эш сәфәре менән Рәсәй Федерацияһы Президентының Волга буйы федераль округындағы тулы хоҡуҡлы вәкиле Михаил Бабич булды. Төбәк Башлығы Рөстәм Хәмитов менән бергә улар «Рәсәй – минең тарихым» мультимедиалы тарихи паркты асыу сараһында ҡатнашты һәм республика халҡын Рәсәй көнө менән ҡотланы.
- Бөгөн илебеҙ бик мөһим дәүләт байрамын – Рәсәй көнөн билдәләй. Ул беҙҙең дәүләтселек, бойондороҡһоҙлоҡ, халыҡтарыбыҙҙың берҙәмлек байрамы. Был байрамды иге-сиге булмаған Ватаныбыҙҙың бөтә тарафтарында, Рәсәй Федерацияһының барлыҡ 85 субъектында билдәләйҙәр, – тине Михаил Бабич. – Беҙҙең өсөн ул бик мөһим ваҡиға, сөнки ошо байрамды билдәләп, үҙебеҙгә илебеҙҙең тағы ла көслөрәк булыуы, тағы ла нығыраҡ берҙәмләшеүе хаҡында һөйләйбеҙ. Илебеҙ бөгөн донъяла тәрәнерәк һәм бөйөгөрәк итеп күрһәтелгән.
Рәсәй көнөнән тыш, Өфө бөгөн Ҡала көнөн дә байрам итә, тип билдәләне республика Башлығы.
- Ошо байрам менән бөтә Өфө халҡын ҡотлайым. Ҡалабыҙҙың һәр яҡтан яҡшырыуын һәм байыуын теләйем, – тине Рөстәм Хәмитов.
Рәсәй көнө хөрмәтенә Рәсәй Президентының Волга буйы федераль округындағы тулы хоҡуҡлы вәкиле һәм Башҡортостан Башлығы уҡыуҙа, спортта һәм кластан тыш эшмәкәрлектә айырыуса айырылып торған республика йәштәренә Рәсәй Федерацияһы гражданы паспорттарын тапшырҙы.
Шулай уҡ Михаил Бабич һәм Рөстәм Хәмитов Өфөнөң Еңеү паркында булды, Советтар Союзы Геройҙары Александр Матросов менән Миңлеғәли Ғөбәйҙуллиндың һәйкәленә сәскә һалды һәм Республика Хәрби Дан музейының экспозицияһы менән танышты.
Автор:«Башинформ» мәғлүмәт агентлығы
Читайте нас в