Башҡортостан һәм Өфө яңылыҡтары
69.59
+0.26
75.78
+0.37
83.36
-1.14
-8 °C
Болотло
Бөтә яңылыҡтар
Йәмғиәт
6 Июнь 2017, 11:42

Төбәктә Өршәк йылғаһы аша понтон күпер һалына

Башҡортостан дәүләт телерадиокомпанияһы
Башҡортостан дәүләт телерадиокомпанияһы
ӨФӨ, 2017 йыл, 6 июнь. /«Башинформ» мәғлүмәт агентлығы, Ғәлиә Нәбиева/. Башҡортостанда Өршәк йылғаһы аша понтон күпер һалынасаҡ һәм йәйәүлеләр зонаһы ойоштороласаҡ. Был мәсьәләне Өфө районы хакимиәтендә өйрәнәләр. Төп күперҙе йүнәтеүгә бәйле ошо ҡоролманы ҡуйыу кәрәклеге килеп тыуҙы. Йонсоу көндәр ҙә юл хеҙмәткәрҙәренең эшенә үҙгәрештәр индерҙе, бер туҡтауһыҙ яуған ямғырҙар урау юлдарҙы йыуҙы.
Муниципалитетта аңлатыуҙарынса, ямғырҙар арҡаһында йылғалағы һыу кимәле 1,5 метрға күтәрелгән, ул һыу торбаларының һәм технологик үтеү юлының өҫтөнән ҡойған. Әлеге ваҡытта «Дормост» яуаплылығы сикләнгән йәмғиәте төҙөүсе ойошмаһы һыуҙың ҡаршылыҡһыҙ ағыуы өсөн өҫтәмә һыу үткәреү торбаларын ҡуйған.
Күперҙе йүнәтеү эштәре барышында Фомичев — Енғалыш — Осоргин — Зубов автомобиль юлы аша урау юл асылған. Ул да яуым-төшөмдөң күп булыуы сәбәпле юлға өҫтәмә ҡом түгеүҙе талап итте. Подрядсы ошо юл эштәренә тотонған да инде.
Хәтерегеҙгә төшөрәбеҙ, 2017 йылдың 1 июненән 25 октябренә ҡәҙәр Өфө районында Фомичев — Булгаков — Федоровка автомобиль юлының 4+968 саҡрымында Өршәк йылғаһы аша күпер ремонтҡа ябылды.
Автор:Ғәлиә Нәбиева
Читайте нас в