Баш ҡалала скейт-парк миҙгелен аса

ӨФӨ, 2017 йыл, 2 июнь. /«Башинформ» мәғлүмәт агентлығы, Ольга Мортазина/. Өфөлә 2 июндә көндөҙгө сәғәт 3-тә скейт-парк миҙгелен асыу сараһы үтә. Мәжит Ғафури исемендәге парк артында урынлашҡан был майҙансыҡ роллерҙар, скейтерҙар, велосипедсылар араһында ҙур популярлыҡ менән файҙалана. Ул махсус ҡорамалдар менән йыһазландырылған. Уны яңы миҙгел алдынан йүнәттеләр. Паркта хафпайп, фанбокс, ҡыуыу урыны, яндауыр, пирамидалар, баҫҡыстар бар. Паркты асыу сиктәрендә экстремаль спорт төрҙәре буйынса ҡала яраштары уҙасаҡ, шулай уҡ спортсыларҙың күрһәтмәле сығыштары көтөлә, тип хәбәр иттеләр баш ҡала хакимиәтендә.