Рәсәйҙең балалар омбудсмены Өфө балаларын байрам менән ҡотланы

ӨФӨ, 2017 йыл, 1 июнь. /«Башинформ» мәғлүмәт агентлығы, Ғәлиә Нәбиева/. Бала хоҡуҡтары буйынса вәкил Анна Кузнецова Башҡортостандың баш ҡалаһында Халыҡ-ара балаларҙы яҡлау көнөн байрам итеүҙә ҡатнашты. Балалар омбудсмены Өфөнөң Киров районындағы майҙансыҡтарҙың береһендә ойошторолған байрамды ҡараны. Йола буйынса, ҡунаҡты балалар башҡорт һәм рус телдәрендә сәләмләне.

Анна Кузнецова байрамдың майҙансыҡтарын баһаланы. Республиканың ижади йәмәғәтселек вәкилдәре балалар омбудсменына милли уйын ҡоралдарын, ҡумыҙҙа уйнап күрһәтте һәм Анна Кузнецоваға бәләкәй ҡумыҙ бүләк итте.

«Халыҡ-ара балаларҙы яҡлау көнөн Өфө ҡояш һәм ата-әсәләрҙең, һәләтле балаларҙың ихлас йылмайыуҙары, матур йырҙар, милли уйын ҡоралдарында уйнап ҡаршы ала. Һеҙгә һаулыҡ, бәхет, бер-берегеҙ хаҡында хәстәрлек күреүегеҙҙе теләйем. Һәр саҡ бер-берегеҙҙе ишетә белегеҙ. Сөнки был бөгөн бик мөһим. Йылығыҙ өсөн рәхмәт, һәм уны һәр саҡ күңелегеҙҙә һаҡлағыҙ», — тип мөрәжәғәт итте балаларға Анна Кузнецова.

Анна Кузнецова бөгөн Өфөлә уҙған Ата-әсәләр форумына йомғаҡ яһаны. Ул тиҙ арала хәл итеүҙе талап иткән проблемалар буйынса һөйләшеүҙең мөһимлеген билдәләне.

«Был майҙансыҡ министрлыҡ һәм ведомстволарҙың, йәмәғәтселек вәкилдәрен берләштерҙе, шуға күрә бөгөн яңғыраған тәҡдимдәр бик әһәмиәтле тип уйлайым. Улар бик сифатлы һәм етди. Улар — мәғлүмәт технологиялары, уҡыусыларҙы тәрбиәләү, ғаилә ҡиммәттәре. Форум ыңғай һөҙөмтә бирер һәм Балалыҡ ун йыллыҡтары программаһын тултырырға булышлыҡ итер».

Теги:халыҡ-ара балаларҙы яҡлау көнө балалар омбудсмены

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».