Өфөлә йорт хайуандарына ҡотороу ауырыуына ҡаршы вакцина эшләү дауам итә

ӨФӨ, 2017 йыл, 31 май. /«Башинформ» мәғлүмәт агентлығы, Ольга Мортазина/. Өфөлә бесәйҙәргә һәм эттәргә ҡотороу ауырыуына ҡаршы вакцина эшләү дауам итә, тип иҫкә төшөрәләр мэрияла. Уны ҡаланың ветеринария станцияһы ветеринарҙары үткәрә. Баш ҡаланың Орджоникидзе районы Тимашево ҡасабаһында йәшәүселәр 116 йән эйәһен прививка яһатырға алып килгән. «Йәй көнө өфөләрҙең күбеһе үҙҙәренең йорт хайуандарын ҡала ситенә һәм баҡсаға алып сыға. Сирҙе дауалауға ҡарағанда киҫәтеү еңелерәк, шуға күрә уларға прививкалар эшләргә кәрәк», — тип билдәләне ветеринар табип Ирек Ғәзизуллин.