ӨФӨ, 2017 йыл, 24 май. /«Башинформ» мәғлүмәт агентлығы, Гөлфиә Акулова/. Рәсәйҙә йәшәүселәр икенсе йыл рәттән Ҡырымда ял итергә теләүен белдерә. Мөмкинлек булғанда халыҡтың 37 проценты йәйҙе тап шунда уҙғарыр ине. Бөтә Рәсәй йәмәғәтселек фекерен өйрәнеү үҙәгенең рәсәйҙәрҙең йәйге миҙгелгә пландарына арналған
һорау алыу мәғлүмәттәре ошондай. Кавказдың Ҡара диңгеҙ буйындағы курорттары тәүге тапҡыр исемлектә икенсе урынды биләй. Һорау алыныусыларҙың 31 проценты ошонда ял итеүҙе хуп күрә. Халыҡтың 13 проценты Төркиәне алдағы йылдарҙа потенциаль ял итеү урыны булараҡ ҡарай.