Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Йәмғиәт
24 Май 2017, 12:48

Рәсәйҙәр йәйге ялдарын Ҡырымда үткәреүҙе хуп күрә

Олег Яровиков
Олег Яровиков
ӨФӨ, 2017 йыл, 24 май. /«Башинформ» мәғлүмәт агентлығы, Гөлфиә Акулова/. Рәсәйҙә йәшәүселәр икенсе йыл рәттән Ҡырымда ял итергә теләүен белдерә. Мөмкинлек булғанда халыҡтың 37 проценты йәйҙе тап шунда уҙғарыр ине. Бөтә Рәсәй йәмәғәтселек фекерен өйрәнеү үҙәгенең рәсәйҙәрҙең йәйге миҙгелгә пландарына арналған һорау алыу мәғлүмәттәре ошондай. Кавказдың Ҡара диңгеҙ буйындағы курорттары тәүге тапҡыр исемлектә икенсе урынды биләй. Һорау алыныусыларҙың 31 проценты ошонда ял итеүҙе хуп күрә. Халыҡтың 13 проценты Төркиәне алдағы йылдарҙа потенциаль ял итеү урыны булараҡ ҡарай.
Рәсәйҙәге һәр икенсе кеше тиерлек (47 процент) быйылғы йәйҙе өйөндә уҙғарырға ниәтләй. Һорау алыныусыларҙың 6 проценты ғына сит илгә барырға йыйына. Сәфәрҙән баш тартыуҙың төп сәбәбе — матди яҡтан ҡыйынлыҡтар. 17 проценты йәй буйына эшләйәсәк. Ғаилә сәбәптәре буйынса сит илгә сыға алмаусылар өс тапҡырға күбәйгән (12 процентҡа тиклем).
Быйыл һәр ғаилә ағзаһына йәйге ял өсөн сығымдар яҡынса 40 мең һум тәшкил итәсәк. Респонденттарҙың 48 проценты сәфәргә махсус аҡса туплай, ҡалғандар сәйәхәт өсөн ағымдағы аҡсаһын (22 процент), йәки өҫтәмә рәүештә йәлеп ителгән аҡса: өҫтәмә эш, премиялар иҫәбенә түләй (13 процент).
Читайте нас в