Башҡортостанда 366 меңдән ашыу бала һаулығын нығытасаҡ һәм ял итәсәк

ӨФӨ, 2017 йыл, 22 май. /«Башинформ» мәғлүмәт агентлығы/. Быйыл йәй Башҡортостанда бөтәһе 366 меңдән ашыу бала һәм үҫмер ял итәсәк, һаулығын нығытасаҡ һәм эшкә урынлашасаҡ. Был турала Башҡортостандың Мәғариф министрлығында хәбәр иттеләр. Республикала оҙаҡ йылдар дауамында йәйге ялды ойоштороуҙа һәм уҙғарыуҙа тотороҡло ыңғай динамика күҙәтелә. Шул рәүешле хаҡтарҙың осһоҙ булыуын, хәүефһеҙлекте, һөҙөмтәлелекте һәм сифатты тәьмин итеү әүәлгесә төп бурыс булып ҡала.

Алдағы йылдарҙағы кеүек быйыл да арзан ял формаларына ҙур иғтибар бүленәсәк. Улар иһә күп көнлөк, ял көндәрендәге походтар, туристик һәм палатка лагерҙары.

1-10 июндә төбәктә көндөҙгө үҙәктәр асыла. Ғәҙәттәгесә, улар дөйөм белем биреү мәктәптәрендә эшләй.