«Башинформ» — 2017 йылдың I кварталында республика киң мәғлүмәт саралары рейтингында лидер

ӨФӨ, 2017 йыл, 19 май. /«Башинформ» мәғлүмәт агентлығы, Ольга Мортазина/. «Медиалогия» мәғлүмәт-аналитика системаһы мәғлүмәттәре буйынса, «Башинформ» агентлығы ағымдағы йылдың беренсе кварталында Башҡортостандың киң мәғлүмәт саралары рейтингында беренсе урынды яуланы. Республика агентлығы цитата килтереү индексы буйынса йәнә алдынғы урында (124,12). Икенсе баҫҡысты «Рәсәй — Башҡортостан» Бөтә Рәсәй дәүләт телерадиокомпанияһы биләй (75,17). Өсөнсөлә — Mkset.ru интернет-ресурсы (56,60). Республиканың өҙөмтә килтереү буйынса тәүге 20 киң мәғлүмәт сараһы исемлеге менән бында танышырға мөмкин.