Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Йәмғиәт
17 Май 2017, 13:37

Республика халҡы «Еңеү ғаиләһе» проектында ҡатнаша ала

Олег Яровиков
Олег Яровиков
ӨФӨ, 2017 йыл, 17 май. /«Башинформ» мәғлүмәт агентлығы, Гөлфиә Акулова/. Отечество.ру мәҙәни-мәғрифәтселек порталында «Еңеү ғаиләһе» бүлеге булдырылған. Уны тулыландырыуҙа Рәсәй һәм башҡа дуҫлыҡ мөнәсәбәтендәге илдәрҙең граждандары ҡатнаша ала. Бының өсөн Бөйөк Ватан һуғышын кисергән туғандарығыҙҙың һәм яҡындарығыҙҙың тарихын яҙып ебәрергә кәрәк.
Өфө хакимиәтенең матбуғат хеҙмәтендә билдәләүҙәренсә, баш ҡалала һәм республикала йәшәүселәрҙең хәрби һәм һуғыш ҡаһарманлыҡтары хаҡында әйтер һүҙҙәре күп. Һуғыш йылдарында Башҡортостан фронтҡа 700-ҙән ашыу кеше оҙатҡан. Уларҙың яртыһынан ашыуы батырҙарса һәләк булған, 200-ҙән ашыу яугир орден-миҙалдар менән бүләкләнгән. Өфөлә эвакуацияланған предприятиелар, учреждениелар һәм ойошмалар урынлаштырылған, хәрби частар ойошторолған. Данлы Башҡорт кавалерия дивизияһының хәрби юлы ошонда башланған.
Проект йәш быуында илһөйәрлек, һуғыш ветерандарына, тыл эшсәндәренә ҡарата ихтирам, һуғыш йылдарын үткәндәрҙең хистәрен уртаҡлашыу тойғоһо тәрбиәләүгә, уларҙың өлгөһөндә ҡыйыу һәм батыр булырға өйрәнергә ярҙам итер, тип ышана ойоштороусылар.
Бүлекте булдырыуҙа ҡатнашырға теләгәндәргә теркәлергә, мәҡәләне өҫтәргә йәки [email protected] почтаһына ебәрергә кәрәк.
Читайте нас: