Халыҡ-ара балалар ышаныс телефоны көнөндә алмаштырыусы ғаиләләргә булышлыҡ итеү буйынса һорауҙар бирергә мөмкин

ӨФӨ, 2017 йыл, 16 май. /«Башинформ» мәғлүмәт агентлығы, Эльмира Сабирова/. 17 майҙа — Халыҡ-ара балалар ышаныс телефоны көнөндә Өфөлә (347) 264-44-34 телефоны буйынса алмаштырыусы ғаиләләргә ярҙам итеү, балаларҙың һәм ата-әсәләрҙең үҙ-ара мөнәсәбәттәрен иҫкәртеү, балаларҙың торлаҡ алыуға һәм уҡыуға хоҡуҡтарын яҡлау, Башҡортостанда етем балаларға булдырылған гарантиялар һәм льготаларға ҡағылышлы һорауҙар бирергә мөмкин.

Бынан тыш, баш ҡаланың 9-сы балалар йортонда интернаттарҙа тәрбиәләнеүселәр өсөн байрам ойошторола. Улар өсөн концерт һәм мажаралы уйын — «Ышаныс сылбыры» әҙерләнгән. Сара һуңында бөтә ҡатнашыусыларға дөйөм Рәсәй ышаныс телефоны номеры яҙылған брелоктар һәм флаерҙар таратыу ҡаралған, тип хәбәр иттеләр Башҡортостандың Мәғариф министрлығында.

Сараның төп маҡсаты — ышаныс телефонының бушлай һәм аноним «ҡыҙыу элемтә»һе эше хаҡында мәғлүмәт биреү, ярҙам һорап мөрәжәғәт итеү өсөн мотивация, балалар һәм ғаилә уңышһыҙлығын иҫкәртеү, балалар һәм үҫмерҙәр араһында үҙ-үҙенә ҡул һалыу осраҡтарына юл ҡуймау, ауыр тормош хәлендә ҡалғандарға психологик ярҙам күрһәтеү.