Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Йәмғиәт
5 Май 2017, 13:19

Төбәктең Урман хужалығы министрлығы урмандарҙы һауанан күҙәткәндә һәләк булғандарҙың туғандарына ҡайғы уртаҡлашыу белдерҙе

Башҡортостандың Урман хужалығы министрлығы
Башҡортостандың Урман хужалығы министрлығы
ӨФӨ, 2017 йыл, 5 май. /«Башинформ» мәғлүмәт агентлығы, Галина Бахшиева/. Башҡортостандың Урман хужалығы министрлығы кисә авиаһәләкәттә ғүмерҙәре өҙөлгән республика Урман янғындарын иҫкәртеү һәм һүндереү үҙәге етәксеһе вазифаһын башҡарыусы Айҙар Йәнгировтың, летчик-күҙәтеүсе Дамир Шәймөхәмәтовтың һәм «ЛайтЭйр» авиакомпанияһы хеҙмәткәре Олег Никитиндың туғандарына һәм яҡындарына ҡайғы уртаҡлашыу белдерҙе.
«Башинформ» агентлығы хәбәр иткәнсә, 4 майҙа Белорет районында Инйәр урмансылығы биләмәһендә урмандарға мониторинг алып барған «Робинсон-44» вертолеты һәләкәткә осраны. Өфө-Белорет-Тирлән-Учалы-Асҡар-Иҫке Собханғол-Үрге Әүжән-Красноусол-Өфө маршруты буйынса эш Айҙар Йәнгиров, Дамир Шәймөхәмәтов һәм Олег Никитинға йөкмәтелгән булған.
Республиканың Урман хужалығы министрлығы хеҙмәткәрҙәре билдәләүенсә, йәш, үҙ эшенең ысын оҫталары, хәстәрлекле улдар, ярҙамсыл дуҫтар, яратҡан ғаилә башлыҡтары һәм атайҙар арабыҙҙан ваҡытһыҙ китеп барҙы. Улар хаҡында яҡты иҫтәлек коллегаларының, уларҙы белгән, хөрмәт иткән һәм яратҡан кешеләрҙең күңелендә мәңге һаҡланыр.
Читайте нас в