93.29
+0.04
Башҡортостан һәм Өфө яңылыҡтары
99.56
+0.2
88.5
+0.04
18+ °C
Болотло
Бөтә яңылыҡтар
Йәмғиәт
5 Май 2017, 08:57
Төбәктә иң яҡшы Ҡөрьән уҡыусылар асыҡланды
Шаран районы хакимиәте
ӨФӨ, 2017 йыл, 5 май. /«Башинформ» мәғлүмәт агентлығы, Әлим Фәйезов/. Башҡортостанда ҙур мәсеттәр ҡарамағында Ҡөрьән уҡыусылар бәйгеһен ойоштороу яҡшы йолаға әүерелде. «Моңло ислам» исемле сираттағы, иҫәп буйынса өсөнсө Ҡөрьән сүрәләрен уҡыусылар конкурсы Шаран районының Йомаҙыбаш ауылында уҙҙы.
Сара башланыр алдынан телмәр менән Шаран районы имам-мөхтәсибе Мәнфәс Садиҡов сығыш яһаны. Мосолмандар өсөн ҙур ваҡиғаға дингә ышаныусылар ғына түгел, сара менән ҡыҙыҡһынғандар ҙа шаһит булды.
Ҡөрьәнде өйрәнеү – тимәк юғары белем алыу мөмкинлеге ул, тиҙәр диндарҙар. Тәүге ҡарашҡа, балаларға был дәрестәр еңел бирелә. Шуға ҡарамаҫтан изге яҙманы өйрәнеү дөрөҫлөктө һәм иғтибарлыҡты талап итә. Бынан тыш, ул техник яҡтан еңел түгел: бер осраҡта тын алмай торорға, икенсеһендә һүҙҙә хәрефте айырым көс менән әйтергә кәрәк.
Мосолмандар донъяһында Ҡөрьән – ул Аллаһтың диндарҙар менән аралашҡан һүҙҙәре. Шуға уны уҡыу ябай китапты уҡыған кеүек түгел, ул Аллаһы тәғәләнең телмәрен уҡыу менән бер тиң. Изге яҙманы тәрән рәхмәт тойғоһо менән уҡырға кәрәк, тиҙәр дингә ышаныусылар.
Сығыш яһаусылар Йомаҙыбаш ауылында 2003 йылда асылған мәсеттең барлыҡҡа килеү тарихын һөйләне. Бәйгеселәр Ҡөрьәндән өҙөктәр уҡып ишеттерҙе.
Бөтә конкурста ҡатнашыусылар ҙа рәхмәт хаттары менән бүләкләнде. Мәсет имам-хатибы Алик хәҙрәт Тимерҡаев был ваҡиғаны мосолмандар өсөн генә түгел, бөтә ауыл халҡы өсөн ҙур байрамға әйләнеүен билдәләне, тип хәбәр иттеләр муниципалитет хакимиәтендә.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».