Башҡортостан һәм Өфө яңылыҡтары
70.52
+0.92
76.3
+0.52
85.47
+0.01
-8 °C
Болотло
Бөтә яңылыҡтар
Йәмғиәт
4 Май 2017, 09:30

Төбәктә законһыҙ сүплектәрҙе бөтөрөүгә алты миллиард һум кәрәк

Олег Яровиков
Олег Яровиков
ӨФӨ, 2017 йыл, 4 май. /«Башинформ» мәғлүмәт агентлығы, Дарья Петрова/. Башҡортостандағы бөтә законһыҙ сүплектәрҙе бөтөрөү өсөн алты миллиард һум кәрәк. Ошо суммаға сүплектәрҙе проектлау һәм бысранған ҡатламды таҙартыу инә. Бындай һандарҙы республиканың тәбиғәттән файҙаланыу һәм экология министры урынбаҫары Филүс Яхин килтерҙе, Башҡортостан Дәүләт Йыйылышының Аграр мәсьәләләр, экология һәм тәбиғәттән файҙаланыу буйынса комиссия ултырышында сығыш яһап.
Башҡортостан Республикаһы Экология министрлығының мәғлүмәттәре буйынса, йыл башынан алып төбәктә 46 законһыҙ сүп-сар түгеү осрағы асыҡланған. Тәртип боҙоусыларға 120 мең һум күләмендә штраф һалынған.
2017 йылдың беренсе кварталында республикала ҡалдыҡтар менән эш итеү өлкәһендә бөтәһе 277 боҙоу теркәлгән. Штрафтарҙың дөйөм суммаһы миллион һумға яҡынлаша.
Автор:Дарья Петрова
Читайте нас в