ӨФӨ, 2017 йыл, 24 апрель. /«Башинформ» мәғлүмәт агентлығы, Ольга Мортазина/. Баш ҡалала тағы ла ике юл һыу аҫтында ҡалған. Өфөнөң Киров районы хакимиәтендә хәбәр итеүҙәренсә, улар – Дудкин ауылында «Зеленый мыс» баҡсалары алдындағы юлдар һәм «Солнечные пески», «Рочер» ял базаларына барған автомобиль юлы. Әле базаларҙа персонал һәм ял итеүселәр юҡ, улар ҡышын эшләмәй. Мөлкәтте һаҡлау бурысы предприятиеларҙың һаҡсыларына йөкмәтелгән, тип асыҡлыҡ индерҙеләр муниципалитетта.