91.82
0
Башҡортостан һәм Өфө яңылыҡтары
98.95
0
84.22
+0.34
6+ °C
Болотло
Бөтә яңылыҡтар
Йәмғиәт
11 Апрель 2017, 10:33
Башҡортостанда киң мәғлүмәт сараларында дәүләт һәм республика халыҡтары телдәре үҫешен иң яҡшы яҡтыртыуға конкурс иғлан ителде
ӨФӨ, 2017 йыл, 11 апрель. /«Башинформ» мәғлүмәт агентлығы, Ләйлә Аралбаева/. Башҡортостанда киң мәғлүмәт сараларында дәүләт һәм республика халыҡтары телдәре үҫешен иң яҡшы яҡтыртыуға конкурс иғлан ителде. Ул «Башҡортостан Республикаһында Рәсәй милләтенең берҙәмлеген һәм халыҡтарҙың этномәҙәни үҫешен нығытыу» дәүләт программаһын ғәмәлгә ашырыу маҡсатында уҙғарыла.
Бәйгелә республика, ҡала, район, берләшкән гәзит һәм журналдар редакциялары, шулай уҡ республика электрон киң мәғлүмәт саралары (Интернет, телевидение һәм радио) ҡатнаша ала. Конкурс материалдары республика халыҡтарының дәүләт телдәрендә төрлө жанрҙарҙа – мәҡәлә, репортаж, интервью, очерк булыуы мөмкин.
«Конкурс 2013 йылдан алып уҙғарыла, был ваҡыт эсендә унда 100-ҙән ашыу киң мәғлүмәт сараһы редакцияһы ҡатнашты, уларҙың 38-е, шул иҫәптән айырым авторҙар, уның лауреаттары булды, ойоштороусыларҙың дипломдары һәм ҡиммәтле бүләктәре менән баһаланды», — тип аңлатты Башҡортостан Матбуғат һәм киң мәғлүмәт саралары агентлығының матбуғат киң мәғлүмәт сараһы бүлеге баш белгесе Нилә Ғәйнетдинова.
Конкурстың ойоштороусылары – Матбуғат һәм киң мәғлүмәт саралары агентлығы, республиканың Журналистар союзы. Конкурс тураһында положение ойоштороусыларҙың рәсми сайттарында бирелгән.
Конкурсҡа 2017 йылдың 1 ғинуарынан 1 ноябренә ҡәҙәр баҫылған материалдар ҡабул ителә, уларҙың иҫәбе сикләнмәгән. Материалдар 2017 йылдың 10 ноябренә тиклем түбәндәге адрес буйынса ҡабул ителә: 450077, Өфө ҡалаһы, Киров урамы, 45, 420-се бүлмә, матбуғат киң мәғлүмәт саралары бүлеге. Телефон: 8 (347) 218-07-72.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».