Башҡортостан һәм Өфө яңылыҡтары
78.94
+0.3
89.15
+0.22
90.89
+0.93
-15 °C
Ҡар
Бөтә яңылыҡтар
Йәмғиәт
3 Апрель 2017, 10:14

Төбәк эҙләнеүселәре сәрпәкләнгән баш һөйәктәрен тапты

ӨФӨ, 2017 йыл, 3 апрель./ «Башинформ» мәғлүмәт агентлығы, Ләйлә Аралбаева/. Башҡортостан эҙләнеүселәре Ҡырымдың Белогорск районында ҡаҙыу эштәре барышында сәрпәкләнгән баш һөйәктәрен тапты. 31 мартта улар алдан күҙалланған Васильков һыҙаһы районында ҡәберлекте ҡаҙыуға тотондо. Ҡәберлекте эҙләнеүселәр алдан уҡ тапҡайны. Ул 1944 йылдың ғинуарында һәләк булған партизандарҙы һәм тыныс кешеләрҙе ерләү өсөн тәғәйенләнгән булған.
Бөйөк Ватан һуғышы йылдарында полиция батальондарынан немец-румын язалаусылары һәм уларҙың ярҙамсылары ошо ерҙәрҙә меңләгән тыныс халыҡты юҡ иткән.
«Был ҡан ҡойолошон оноторлоҡ түгел, Еңеү өсөн үҙ ғүмерен һалғандарҙың яҡты иҫтәлеге мәңге йәшәйәсәк, — тип һөйләне Башҡортостанда «Рәсәйҙең эҙләнеү хәрәкәте» төбәк бүлексәһе етәксеһе Владимир Волков. — Килеп эҙләй башлағандың тәүге минуттарынан уҡ тағы ла бер санитар ерләү урынын таптыҡ. Әлегә алты кешене күтәрҙек, дүртәүһенең ауыр предмет менән һуғыуҙан баш һөйәге сәрпәкләнгән. Тағы ла 10 баш һөйәге күренә, бөтәһе лә сәрпәкләнгән».
Башҡортостан эҙләнеү отрядының эштәре дауам итә әле.
Автор:Ләйлә Аралбаева