Өфөлә уңыш ҡаҙанған кешеләрҙе бүләкләү тантанаһы үтте

ӨФӨ, 2017 йыл, 3 апрель./ «Башинформ» мәғлүмәт агентлығы, Әлим Фәйезов/. Уҙған көндәрҙә Өфө ҡала Советында ҡала үҫешенә тос өлөш индергән өфөләрҙе ҡала округы һәм Советтың Почет грамоталары менән бүләкләнеләр. Наградаларҙы ҡала Советы рәйесе Валерий Трофимов тапшырҙы. Бөтәһе 41 кеше бүләкләнде. Ул – транспорт һәм торлаҡ предприятиелары, ҡаланы төҙөкләндереү ойошмалары хеҙмәткәрҙәре, уҡытыусылар, китапханасылар, төҙөүселәр, медицина, дөйөм туҡланыу хеҙмәткәрҙәре һәм башҡалар, тип хәбәр иттеләр ҡала Советының матбуғат хеҙмәтендә.

Бүләкләү тантанаһы бер юлы өс иҫтәлекле датаға арналды. Сарала ҡатнашыусыларҙың күбеһе үҙҙәренең һөнәри байрамдарын – Халыҡты көнкүреш хеҙмәтләндереү өлкәһе һәм торлаҡ-коммуналь хужалыҡ хеҙмәткәре көнөн билдәләй, Өфөнөң Орджоникидзе районына – 65 йыл, Октябрь районына 40 йыл тулды.

Бындай тантаналарҙы Өфө Советы даими ойоштора. Наградаларҙың ысын иҫәбе ҡала Советына бүләкләү тантанаһына саҡырылған кешеләрҙең иҫәбенән айырыла. Почет грамоталарының бер өлөшө Өфө халҡына урындарҙа һәм уларҙың хеҙмәт коллективтарында тапшырыла.

Бүләкләү тантанаһы ғәҙәттәгесә иҫтәлеккә фотоға төшөү менән тамамланды, тип билдәләнеләр ҡала Советында.