Башҡортостан һәм Өфө яңылыҡтары
91.33
+0.49
98.72
+0.18
83.39
+1.48
-11 °C
Болотло
Бөтә яңылыҡтар
Йәмғиәт
28 Март 2017, 11:01

Өфөлә ҡаланың төньяғында крематорий төҙөү мөмкинлеге ҡарала

автор
автор
ӨФӨ, 2017 йыл, 28 март. /«Башинформ» мәғлүмәт агентлығы, Ксения Калинина/. Өфө властары крематорийҙы алдан уйланылғанса ҡаланың көнбайышында түгел, ә төньяғында – сәнәғәт өлөшөндә төҙөргә мөмкин тигән фекер менән риза. Әле ҡаланың төньяғында крематорий төҙөү мөмкинлеге ҡарала, документтар әҙерләү бара. Был хаҡта РБК-Өфө баҫмаһына «Махсус хеҙмәтләндереү комбинаты» директоры, ҡала Советы депутаты Руслан Кинйәкәев белдерҙе.
«Әлеге мәлдә Өфөлә крематорий төҙөлмәй. Киләсәктә ҡаланың төньяҡ өлөшөндә крематорий урынлаштырыу мөмкинлеге өсөн документация әҙерләү буйынса планлы эштәр алып барыла», — тине ул.
Бына бер нисә йыл инде властар Өфөлә ҡәберлектәр өсөн ерҙең етмәүенә бәйле хәлде тикшерә, тип иҫкә төшөрҙөләр баҫмала. Уҙған йылдың аҙағында ҡала Советы 2017 йылда Көньяҡ зыяратты ябыу тураһында ҡарар ҡабул итте. Сөнки артабан уның сиктәрен киңәйтеү мөмкин түгел. Зыярат тораҡ пункттарға терәлеп тора. Быйыл март айында ҡаланың төбәк һәм федераль властарҙан яңы зыярат өсөн Өфөнөң көнбайыш сиктәрендә мең гектарҙан ашыу ауыл хужалығы ерҙәрен бүлеүҙәрен һорағаны билдәле булды.
Читайте нас в