Интернет дәүерендә Башҡортостанда «ҡағыҙ» киң мәғлүмәт сараларына һәм телевидениеға ихтыяж бармы

ӨФӨ, 2017 йыл, 24 март. /«Башинформ» мәғлүмәт агентлығы, Станислав Шахов/. Киң мәғлүмәт саралары араһында икһеҙ-сикһеҙ хәрефтәр һәм һүрәттәр ағымында уҡыусы өсөн конкуренция көндән-көн үҫә. Традицион киң мәғлүмәт сараларының төп ярышташтары – онлайн-баҫмалар һәм социаль селтәрҙәр. Шуға ҡарамаҫтан, социологик һорау алыуҙарҙың һөҙөмтәләре ҡыҙыҡлы хәл сағылдыра – интернеттың йылдам үҫешенә ҡарамаҫтан, халыҡ өсөн телевидение, гәзиттәр, ә ауылда урындағы матбуғат та төп яңылыҡтар сығанағы булып ҡала.

Сираттағы лонгридта «Башинформ» агентлығы журналистары ғилми тикшеренеүҙәр һәм медиа белгестәренең һорау алыуҙары нигеҙендә Башҡортостан халҡының мәғлүмәт менән файҙаланыу структураһының нисек үҙгәреүен, киң мәғлүмәт саралары ни өсөн енәйәт тураһында йыш яҙыуын һәм ҡағыҙ гәзиттәрҙең киләсәген асыҡланы. Лонгридты ошонда уҡырға һәм ҡарарға мөмкин.