Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
22 Март 2017, 17:30

Төбәктә йәшәүселәр өсөн эшкә урынлашыу һәм торлаҡ менән тәьмин ителеү төп мәсьәлә булып ҡала

ӨФӨ, 2017 йыл, 22 март. /«Башинформ» мәғлүмәт агентлығы, Ғәлиә Нәбиева/. Башҡортостанда йәшәүселәр өсөн эшкә урынлашыу һәм лайыҡлы торлаҡ менән тәьмин ителеү иң киҫкен мәсьәлә булып ҡала. Дмитрий Медведевтың Өфөләге төбәк йәмәғәтселекте ҡабул итеү бүлмәһенә килгән мөрәжәғәттәрҙең күбеһе ошо проблемаларға бәйле.
Республикала билдәле йырсы ҡабул итеү бүлмәһе етәксеһе Раил Әсәҙуллинға туғанын эшкә урынлаштырыуҙа ярҙам һорап мөрәжәғәт итте. Йәш ҡатын музыкаль педагогик белемгә эйә һәм тыуған төйәгенә файҙа килтерергә теләй. Әле ул Себер тарафтарында эшләп йөрөй. Раил Әсәҙуллин уның белеме һәм тәжрибәһе ниндәй өлкәлә файҙалы буласағын билдәләү өсөн йәш белгес менән осрашып һөйләшергә вәғәҙә итте.
Өфөнән бер ҡатын социаль торлаҡ алыуҙа ярҙам һораны. Ул инвалид туғаны менән коммуналь фатирҙа йәшәй. Бына инде 20 йылдан ашыу фатирға сиратта тора. Бөтә документтарҙы ҡарағандан һуң ҡабул итеү бүлмәһе етәксеһе ошо ғаиләнең торлаҡ шарттарын яҡшыртыу буйынса аныҡ саралар күреү өсөн мөрәжәғәт итеүсе менән тағы ла бер тапҡыр осрашасаҡ.
Төбәктә билдәле уҡытыусы Раил Әсәҙуллинға һәләтле балалар менән эшләү буйынса яңы идеялар менән килгән. Дмитрий Медведевтың йәмәғәтселекте ҡабул итеү бүлмәһе даими рәүештә танылған уҡытыусының тәрбиәләнеүселәре ҡатнашлығында Ҡаһарманлыҡ дәрестәре үткәрә. Ҡабул итеү бүлмәһе етәксеһе уҡытыусыға башланғысы өсөн рәхмәт белдерҙе һәм юбилейы менән ҡотланы.
Читайте нас: