Баш ҡалала «Һылыуҡай-2017» республика гүзәллек бәйгеһенең еңеүсеһе билдәләнде

hylyukaykonkurs

Гөлфиә Акулова

ӨФӨ, 2017 йыл, 20 март. /«Башинформ» мәғлүмәт агентлығы, Гөлфиә Акулова/. Өфөлә «Һылыуҡай-2017» республика телевизион гүзәллек бәйгеһендә Гран-при яулаусы ҡыҙҙың исемен иғлан иттеләр. Ул – Өфөнән Земфира Байдәүләтова. Республиканың тәүге һылыуҡайы ынйы таж менән бүләкләнде.

Ҡазандан Ынйы Иҙелбаева беренсе урын яуланы. Икенсе урынды Ырымбурҙан Зилиә Агишева һәм Балтас районынан Юлиана Әмирйәнова бүлеште. Өсөнсө урын бер юлы өс ҡатнашыусыға тейҙе – Нефтекаманан Алина Ғилмәтоваға, Салауат районынан Диана Шөғәйеповаға һәм Белорет районынан Әҙилә Әлибаеваға.

Финалсыларҙың хеҙмәте конкурс бағыусыларының махсус бүләктәре – Каппадокияға (Төркиә) юлламалар, ювелир биҙәүестәр, күн әйберҙәр менән баһаланды.

Конкурстың финалына йәмғеһе 16 ҡыҙ сыҡты. Уларға байтаҡ һынау үтергә тура килде – Экология йылына арналған, башҡорт бейеүе һәм заманса хореография конкурстары, башҡорт эстрадаһының популяр башҡарыусылары менән дуэтта йырлау, билеттар буйынса һорауға яуап биреү, киске күлдәктәрҙә дефиле.

«Һылыуҡай» республика конкурсы — Рәсәйҙә бындай оҙаҡ һәм бай тарихҡа эйә булған берҙән-бер милли заманса проект.

Ойоштороусылары – Мәҙәниәт министрлығы, Республика халыҡ ижады үҙәге һәм «Туған тел» музыкаль-күңел асыу телеканалы. Йыл һайын талантлы һәм амбициялы ҡыҙҙар төп башҡорт һылыуы исемен яулар өсөн Өфөнөң төп сәхнәһенә сыға. Бәйгенең күп кенә финалсылары уңышлы йәмәғәт һәм мәҙәниәт эшмәкәрҙәре, журналистар, актрисалар, йырсылар һәм моделдәр булараҡ тормошта үҙҙәренең урынын таба.

1 из 7

#матурлыҡ бәйгеһе

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.