Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Йәмғиәт
3 Март 2017, 11:56

Өфөлә ил төбәктәре вәкилдәре ветеринария мәсьәләләре буйынса кәңәшмә үткәрә

Олег Яровиков
Олег Яровиков
ӨФӨ, 2017 йыл, 3 март. /«Башинформ» мәғлүмәт агентлығы, Әлим Фәйезов/. 19 апрелдә Өфөлә ветеринария өлкәһендә ил субъекттары башҡарма власть органдары етәкселәренең Бөтә Рәсәй кәңәшмәһе уҙа. Кәңәшмә 19-21 апрелдә Конгресс-холда үтәсәк VII Халыҡ-ара ветеринария конгресы барышында ойошторола.
Конгресс Евразия иҡтисади союзы киңлегендә ветеринария өлкәһендә төп сара булып иҫәпләнә. Дәүләттең әүҙем ярҙам күрһәтеүе һәм Рәсәй Ауыл хужалығы министрлығы, Россельхознадзор, сит илдәр һәм Бойондороҡһоҙ Дәүләттәр Берләшмәһе илдәрендәге баш дәүләт ветеринария инспекторҙарының ҡатнашыуы конгресҡа юғары статус өҫтәй. Сараға сит илдәрҙән һәм Рәсәйҙән сығыш яһаусылар саҡырылған, улар араһында 20-нән ашыу дәүләттән ғалимдар һәм административ ветеринария органдары вәкилдәре бар.
Журналистар өсөн матбуғат конференцияһын уҙғарыу күҙаллана. Унда Башҡортостан Хөкүмәте Премьер-министры урынбаҫары Ирек Мөхәмәтдинов, республика Ветеринария идаралығы начальнигы — Башҡортостандың баш дәүләт ветеринария инспекторы Вәкил Буранбаев, Рәсәй ветеринария ассоциацияһының башҡарма директоры Сергей Лахтюхов спикер буласаҡ.
Өфөлә VII «Берҙәм донъя — берҙәм сәләмәтлек» халыҡ-ара ветеринария конгресын үткәреү тураһында ҡарар былтыр апрелдә Сочиҙа ошондай уҡ конгреста ҡабул ителгәйне. Башҡортостандың үҫеш өсөн ҙур ҡеүәткә эйә булған агросәнәғәт секторы, уның инвестиция йәлеп итеүсәнлеге, шулай уҡ эпизоотик именлеге республиканы ветеринарҙар конгресын үткәреү урыны итеп һайлағанда мөһим роль уйнаны.
Тулыраҡ мәғлүмәт — конгрестың сайтында.
Читайте нас: