Республикала Рәсәй почтаһы байрам көндәрендә нисек эшләйәсәге хаҡында хәбәр итте

ӨФӨ, 2016 йыл, 22 февраль. /«Башинформ» мәғлүмәт агентлығы, Ольга Мортазина/. Рәсәй почтаһы байрам алды һәм байрам көндәрендә үҙенең эшләү графигы хаҡында хәбәр итте. 22 февралдә һәм 7 мартта почта элемтәһе бүлексәләренең эш көнө бер сәғәткә ҡыҫҡартыла.

23, 24 февраль һәм 8 март – барлыҡ бүлексәләр өсөн ял көндәре. Был көндәрҙә почта һәм матбуғат баҫмалары илтеп бирелмәй, почта йәшниктәренән корреспонденция алынмай.

25 һәм 26 февралдә (шәмбе һәм йәкшәмбе), шулай уҡ 9 мартта (кесе йома) почта элемтәһе бүлексәләре ғәҙәттәге график буйынса эшләй.

«Байрам көндәрендә пенсия һәм пособиелар илтеү Пенсия фонды менән килешеү буйынса башҡарыла. Рәсәй почтаһының мобиль ҡушымтаһы менән ҡулланыусылар тиҙ генә яҡында урынлашҡан почта бүлексәһенең адресын һәм эш ваҡытын асыҡлай ала. Рәсәй почтаһының мобиль ҡушымтаһын iOS, Android, Windows Phone платформалары нигеҙендә мобиль ҡулайламаларына ҡуйып була», — тигән мәғлүмәт бирҙеләр Федераль почта элемтәһенең Башҡортостан Республикаһы идаралығында.