92.01
-0.12
Башҡортостан һәм Өфө яңылыҡтары
98.72
+0.01
89.29
+0.18
17+ °C
Болотло
Бөтә яңылыҡтар
Йәмғиәт
22 Февраль 2017, 11:25
Башҡортостанда онкология сирҙәренән һөт биҙҙәре яман шеше киң таралған
«Башинформ» мәғлүмәт агентлығы
ӨФӨ, 2017 йыл, 22 февраль. /«Башинформ» мәғлүмәт агентлығы, Эльмира Сабирова/. Башҡортостанда онкология сирҙәренең киң таралған формаһы — һөт биҙҙәре яман шеше. Төбәктәге бөтә онкосирлеләрҙең 11,9 проценты шуның менән яфалана. Республика клиник онкология диспансерының баш табибы Руслан Солтанов, медицина советының 2016 йылдағы эш йомғаҡтары буйынса киңәйтелгән ултырышында сығыш яһап, ошо хаҡта белдерҙе.
Икенсе урында – үпкә (ауырыуҙарҙың 10,8 проценты), өсөнсөлә тире яман шеше (9,3 процент) тора. Артабан простата, ашҡаҙан, йыуан эсәк шеше килә — сирлеләрҙең дөйөм һанынан ете процент тирәһе.
Руслан Солтанов әйтеүенсә, былтыр Башҡортостанда 13 меңдән ашыу яман шеш осрағы тәүгә асыҡланған. 100 мең кешегә 324,8 ауырыу тәшкил иткән, Рәсәйҙә — 403,4. 6,5 мең осраҡ иртә стадияла асыҡланған — 50,3 процент. 2017 йылдың башына 79 меңдән ашыу сирле иҫәптә тора.
Ултырыш барышында билдәләнеүенсә, хәҙер иртә диагностикалауҙы яҡшыртыу, ауырыуҙарҙы дауалау һәм уларҙың йәшәү сифатын күтәреү мөһим. Табиптарға шештәрҙе иртә асыҡлауға иғтибарҙы йүнәлтергә кәрәк, шул иҫәптән халыҡты диспансерлаштырыу барышында.
Башҡортостандың һаулыҡ һаҡлау министры урынбаҫары Эльза Сыртланова төбәктең демографик күрһәткестәренә иғтибарҙы йүнәлтте һәм «Юл картаһы»ның яман шештән үлем буйынса индикатив күрһәткесенә ирешергә кәрәклеген һыҙыҡ өҫтөнә алды.
Республика Һаулыҡ һаҡлау министрлығының матбуғат хеҙмәте хәбәр итеүенсә, быйыл йәй Башҡортостан Рәсәй онкологтарының IX съезын ҡабул итә.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».