Башҡортостан һәм Өфө яңылыҡтары
91.87
-0.17
99.45
-0.47
81.96
-0.19
-8 °C
Болотло
Бөтә яңылыҡтар
Йәмғиәт
21 Февраль 2017, 16:17

Башҡортостан һалдаттары Ҡораллы Көстәрҙә намыҫлы хеҙмәт итә

Олег Яровиков
Олег Яровиков
ӨФӨ, 2017 йыл, 21 февраль. /«Башинформ» мәғлүмәт агентлығы, Әлим Фәйезов/. Башҡортостан һалдаттары Рәсәй Ҡораллы Көстәрендә намыҫлы хеҙмәт итә. Һалдаттарҙың ата-әсәләренә хәрби часть командирҙарынан килгән хаттар ошо хаҡта һөйләй. Ватанды һаҡлаусылар көнө алдынан Туймазы районының Йәрмөхәмәт ауылынан Хәбибуллиндар ғаиләһе улдары хеҙмәт иткән хәрби часть командирынан Рәхмәт хаты алды. Данис Хәбибуллин Ватан алдындағы бурысын намыҫ менән үтәй, тиелә хатта. Өфө тимер юл транспорты техникумын тамамлағас та ул Волгоград өлкәһенә хәрби хеҙмәткә алына. Хәҙер Һарытау өлкәһендә инженер ғәскәрҙәрендә хеҙмәт итә. Ауыр булһа ла, зарланмай, сөнки ауыл егетендә ихтыяр көсө, эш һөйөүсәнлек, ҡыйыулыҡ һәм яуаплылыҡ етерлек. Мәктәптә уҡығанда уҡ Данис спорт менән шөғөлләнә, техникумда ла күнекмәләрен дауам итә, шунлыҡтан армияла уға физик күнекмәләр еңел бирелә. Буш ваҡытында иһә ата-әсәһенә йылы хистәр менән һуғарылған хаттар яҙа. Данисҡа дембелгә тиклем ваҡыт күп ҡалмаған. Ул институтҡа уҡырға инергә ниәтләй, тип хәбәр иттеләр муниципалитет хакимиәтендә.
Читайте нас в