Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Йәмғиәт
9 Февраль 2017, 15:26

Баш ҡала йәштәре өсөн эшкә урынлашыу мәсьәләләре буйынса консультациялар ойошторола

Андрей Старостин
Андрей Старостин
ӨФӨ, 2017 йыл, 9 февраль. /«Башинформ» мәғлүмәт агентлығы, Эльмира Сабирова/. Өфө йәштәренә эшкә урынлашыу мәсьәләләре буйынса консультациялар үткәрелә. Улар баш ҡаланың Йәштәр мәшғүллегенә булышлыҡ итеү үҙәге ойошторған «ҡыҙыу линия»ға шылтыратып, эшкә урынлашыу үҙенсәлектәре хаҡында белә ала. Ул 15 февралдә көндөҙгө сәғәт 3-тән киске 5-кә тиклем уҙа.
Үҙәктәге юрисконсульт 14 йәштән 18 йәшкәсә бәлиғ булмаған граждандарҙы эшкә урынлаштырғанда ниндәй документтар бирергә, законһыҙ эштән бушатһалар, ни эшләргә кәрәклеген аңлатасаҡ. Бер эштән икенсеһенә күскән осраҡта документтар нисек итеп дөрөҫ тултырыла? Бәлиғ булмағандар өсөн һынау ваҡытын билдәләгәндә үҙенсәлектәр бармы, отпуск биреү тәртибе ниндәй?
Шулай уҡ йөклө һәм өс йәшкә тиклемге балаһы булған ҡатын-ҡыҙҙарҙың социаль гарантияларын һәм хоҡуҡи яҡлауын тәьмин итеүгә, декрет түләүҙәренә, балалар пособиеһы күләменә, эшләмәгән әсәгә декрет түләүҙәренә ҡағылышлы һорауҙар бирергә мөмкин, тип аңлатма бирҙеләр Йәштәр мәшғүллегенә булышлыҡ итеү үҙәгендә.
«Ҡыҙыу линия» телефоны: (347) 279-06-56.
Читайте нас: