Төбәктә Балалар туризмын үҫтереү концепцияһы әҙерләнә

ӨФӨ, 2017 йыл, 7 февраль. /«Башинформ» мәғлүмәт агентлығы, Әлим Фәйезов/. Башҡортостанда 2020 йылға тиклемге осорға Балалар туризмын үҫтереү концепцияһы әҙерләнә. Тейешле документ проекты уҙған көндә республика Хөкүмәте ултырышында тикшерелде. Өс йыл дауамында мәктәп уҡыусыларының күбеһен 2016 йылда 50 проценттан 2020 йылға 70 процентҡаса туристик хеҙмәттәр менән йәлеп итеүҙе арттырыу күҙаллана. Шул уҡ ваҡытта, республиканың мәғариф министры Гөлназ Шафиҡова билдәләүенсә, төрлө туристик крайҙы өйрәнеү формалары эшмәкәрлегенә йәлеп ителгән балаларҙың иҫәбе 2016 йылда 35 проценттан 2020 йылға 55 процентҡа ҡәҙәр артыуы көтөлә. Шул рәүешле уҡыусылар өсөн әҙерләнгән туристик һәм экскурсия маршруттарының һаны 40-тан 100-гә тиклем артасаҡ, тип хәбәр иттеләр Башҡортостан Хөкүмәтенең матбуғат хеҙмәтендә.