Башҡортостан һәм Өфө яңылыҡтары
91.87
-0.17
99.45
-0.47
81.96
-0.19
-8 °C
Болотло
Бөтә яңылыҡтар
Йәмғиәт
2 Февраль 2017, 17:29

Республикала Урал алдының иң ҙур һаҙлығы тергеҙелә

Фаил Абсатаров
Фаил Абсатаров
ӨФӨ, 2017 йыл, 2 февраль. /«Башинформ» мәғлүмәт агентлығы, Евгения Сюткина/. Бөгөн, 2 февралдә, Бөтә донъя һыу-һаҙлыҡ биләмәләре көнө билдәләнә. Барыһы ла һыу-һаҙлыҡ биләмәләренең әһәмиәтен яҡшы аңлай, сөнки кеше таҙа һыуһыҙ йәшәй алмай. Һаҙлыҡ биләмәләре сөсө һыуҙы һаҡлау өсөн мөһим объект булып тора. Һаҙлыҡтар, губка кеүек, яҙғы һыуҙарҙы үҙенә һеңдерә һәм һуңынан, йәй буйына, уны шишмәләргә һәм йылғаларға бирә ала.
Башҡортостанда һыу-һаҙлыҡ биләмәләрен өйрәнеү һәм һаҡлау буйынса ҙур эш алып барыла. Ул «Экологик системаларҙың климаттың үҙгәреүенә яраҡлашыуына булышлыҡ итеү һәм СО2 сығарыуҙы кәметеү маҡсатында Рәсәйҙә торф ятҡылыҡтарын һаҡлау һәм даими файҙаланыу» проекты сиктәрендә башҡарыла.
Рәсәй Фәндәр академияһының Өфө биология институты директоры, Рус география йәмғиәте төбәк бүлексәһенең тәбиғәтте һаҡлау комиссияһы рәйесе, профессор Василий Мартыненко «Башинформ» агентлығына проект хаҡында ентекләп һөйләне.
«Башҡортостанда тормошҡа ашырылған проект сиктәрендә һаҙлыҡтарға инвентаризация үткәрелә, уларҙың барлыҡҡа килеүе, үҫемлектәр донъяһы, гидрологик режимы, торф ятҡылығының тәрәнлеге һәм башҡа аспекттар өйрәнелә. Бынан тыш, республикала Берғаҙан-Ҡамыш һаҙлығын тергеҙеү буйынса ҙур эш башҡарыла. Унда ҡойоу дамбаһы төҙөлә, уның механизмы быйыл эшләй башларға тейеш. Һөҙөмтәлә һаҙлыҡтың экологик системаһы яйлап тергеҙеләсәк. «Асылыкүл» тәбиғәт паркы биләмәһен — Асылыкүлде, Берғаҙан-Ҡамыш һаҙлығын халыҡ-ара кимәлдәге «Рамсар биләмәһе» һыу-һаҙлыҡ биләмәһенә тәҡдим итеү буйынса эш алып барыла. Өҫтәүенә биләмәләрендә ҙур һаҙлыҡ массивы булған 15 объект буйынса документтар әҙерләү тамамлана. Быйыл Башҡортостан Хөкүмәте ҡарары менән ошо объекттар һаҙлыҡтарҙы һаҡлау буйынса тәбиғәт ҡомартҡылары тип танылыр, тигән ышаныстабыҙ», — тине Василий Мартыненко.
Читайте нас в