Башҡортостан һәм Өфө яңылыҡтары
79.15
0
91.84
0
62.51
+0.52
-23 °C
Болотло
Бөтә яңылыҡтар
Йәмғиәт
25 Ғинуар 2017, 07:56

Мәктәптәрҙә инвалид балалар менән эшләү өсөн уҡытыусыларҙың ярҙамсылары буласаҡ

ӨФӨ, 2017 йыл, 25 ғинуар. /«Башинформ» мәғлүмәт агентлығы, Ғәлиә Нәбиева/. Мәктәптәрҙә һәм балалар баҡсаларында инвалид һәм сәләмәтлек мөмкинлектәре сикләнгән балаларҙы оҙатып йөрөү өсөн уҡытыусыларҙың ярҙамсылары эшләйәсәк. Ошо хаҡта, Рәсәй мәғариф һәм фән министры Ольга Васильеваға һылтанып, «РИА Новости» хәбәр итә.
«Педагогик белемле кадрҙарҙың етмәүе менән бәйле тағы ла бер мөһим эш башҡарырға – мәктәптәрҙә һәм балалар баҡсаларында класҡа бер ғәрип бала урынына, мәҫәлән, шундай өсәүҙе алыу өсөн тьютор тип йөрөтөлгән уҡытыусы ярҙамсыларын индерергә ниәтләйбеҙ», — тине министр журналистар менән осрашыуҙа.
2016 йылдың 1 сентябренән алып башланғыс мәктәптә белем биреү буйынса яңы стандарттар үҙ көсөнә инде. Улар инвалид һәм сәләмәтлек мөмкинлектәре сикләнгән балаларҙың дөйөм белем биреү процесына инеүен күҙаллай. Рәсәй мәктәптәрендә шундай балаларҙың артыуы теркәлгән.
Автор: Ғәлиә Нәбиева
Теги: мәғариф
Читайте нас