Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Йәмғиәт
23 Ғинуар 2017, 17:51

Республикала грипп һәм киҫкен респиратор вирус инфекцияһы менән сирләү осраҡтарының кәмеүе күҙәтелә

ӨФӨ, 2017 йыл, 23 ғинуар. /«Башинформ» мәғлүмәт агентлығы, Эльмира Сабирова/. Башҡортостанда киҙеү һәм киҫкен респиратор вирус инфекцияһы менән сирләү осраҡтарының кәмеүе күҙәтелә. Үткән аҙна менән сағыштырғанда республика буйынса һигеҙ, Өфөлә 11 процентҡа кәмегән. «Роспотребнадзор»ҙың Башҡортостан идаралығы мәғлүмәттәренә ярашлы, максималь күрһәткестәр 9 ғинуарҙан 15-нә тиклем теркәлгән.
Ведомствола хәбәр итеүҙәренсә, эпидемик сиктең артыуы өлкән йәштәге кешеләр араһында ғына ҡалған. Балалар араһында артыу юҡ.
Әлеге ваҡытта төбәктә 30 меңгә яҡын сирле теркәлгән.
Ауырыу осраҡтарының кәмеүенә ҡарамаҫтан, табиптар киҫкен респиратор вирус инфекцияһынан һаҡланыу өсөн шәхси иҫкәртеү сараларын ҡабул итергә кәңәш бирә.
Читайте нас: