Өфөлә 200 себер эрбеты ултыртыу күҙаллана

ӨФӨ, 2017 йыл, 20 ғинуар./«Башинформ» мәғлүмәт агентлығы, Ольга Мортазина/. Өфөлә 200 себер эрбете (кедры) ултыртыу күҙаллана. Ошо хаҡта киң мәғлүмәт сараларына республикалағы Рус география йәмғиәте рәйесе Камил Йыһаншин хәбәр итә. Эрбет үҫентеләрен Ханты-Манси автономиялы округынан алып киләләр, унда йәшәүсе Миҙхәт Хәсәнов был проекттың башлап ебәреүсеһе булып тора, тип аныҡлыҡ индерә «Вся Уфа». Рус география йәмғиәте Дим районы хакимиәте менән буласаҡ эрбет сауҡалығының урыны тураһында килешкән – уға Дим эргәһендә бер нисә гектар ер бүленгән. Себер эрбеттәре һауаны таҙартып ҡына ҡалмай, ҡоштарға аҙыҡ та бирәсәк. Әммә тубырсыҡтар өлгөрөп етһен өсөн ағастар 25 йәшкә етергә тейеш.